الله يطول بعمرو
الله يطول بعمرو… بس إذا مات، الشيطان أذكى من أنه يفوتوا جهنم، لأنه عارف إنها رح تخرب، وبما انه مش رح يفوتوا عَ جهنم، رح يضل برا، ورح يشفق ربنا عليه وينجبر يفوتوا على الجنة.
وبما انه ربنا، عليه السلام، عارفوا رح يخرب الجنة، لأنه من فوتوا عليها رح يروح عند مريم المجدلية وينبشلها ماضيها، مع انها تابت والله سامحها عليه.
ويرجع ينقل عَ مار بولس، ويعيطلو شاوول، وينبشلو المعارك يلي عاملها قبل، مع انه ارتد وصار من أهم القديسين.
ويرجع يروح عند مار بطرس، ويقلو في برقبتك دم لأنك قطشت دينة الجندي الروماني.
ويرجع يروح عند النبي موسى ويهتّو بهايدا المصري يلي قتلو قبل ما يشوف ارض الميعاد مع انه ربنا قاصصه وعفي عنه.
حتى يمكن يروح عَ مار شربل المعروف بقداسته وينبشلو شي دجاجة دبحها هوي وعايلته لما كان بي بيت اهله، ويقلو في برقبتك دم ولو دجاجة.
فربنا، السلام عَ اسمه، عارف انه رح يخربها للجنة وكرمال هالأحلام تاركو طيب، تكان استحدثلو جنة جديدة، ويعينوا فيها اله، فيها جميع انواع الليمون من كليمانتين وشموطي ومغربي وافندي وشي كم شتلة جزر وشمامتين تلاتة، يطلعلوا شي كم طبيلة وزميرة، ونسوان تنشهق لما تشوفوا، وشي 17 ميكروفون لاحقينوا،و Verre pare-balles، حتى لو ما في حدا غيرو وجماعة مهرجانه، وشي كم صحافي تيعيط عليهم.
فتكان خلصت هالجنة، الله مطول بعمره.
فدخلك يا الله، اذا معوق بهالجنة لأنه ناقصك شغيله، انا مستعد اطوع بببلاش…
ولكل واحد حابب يطوع ويساعد بانشاء هالجنة يبعتلنا email عَ هالعنوان [email protected]