لنذكر يسوع في عيده

لنذكر يسوع في عيده

ما ستقرأونه كان رسالة بريدية تدوالها كثيرون بين بعضهم البعض، وانا منهم، ومن المفيد تعميمها على الجميع لفهم معنى عيد الميلاد المجيد، ميلاد السيد المسيح الذي نحتفل بعيده، لفهم لماذا ياتي يسوع……
فهل فعلا نحن ننتظر المخلص، لا بابا نويل او سانتا كلوز او ماما كلوز. هل فعلا نحن ننتظر هدية السماء لنا وهي الطفل المبارك، ام ننتظر هدايا بعضنا لبعض…..

يسوع بحبنا ولانو بحبنا عم يخبرنا هالقصة:
بمناسبة عيد ميلادي هالسنة، متل ما بتعرفو قرّب يوم عيدي وشو حلو انو حدا يفكّر فيي، ولو مرة بالسنة، لكن عم لاحظ انو بالماضي كانوا الناس، يقدّروا محبتي الن ومعنى تجسدي كرمالن اكتر من هالايام، وانو سنة عن سنة، العالم عم ينسى جوهر عيد الميلاد….
العائلات والاصحاب بيجتمعوا تا يتسلّوا، بس ما بيتذكروا مين هوي صاحب العيد.

بتذكّر السنة الماضية كان في حفلة كتير كبيرة بليلة عيدي، بس للاسف ما حدا تذكر يدعيني، كان العيد عا اسمي نظريا بس.
فقررت انضم للحفلة من دون اي ضجّة، ومن دون ما حدا يلاحظ….وقفت بالزاوية وصرت راقب، كان الكل عم ياكلوا ويشربوا ويضحكوا…. كانوا عم يمزحوا ويحكوا عن كل شي وما شي….باختصار كانوا عم يتمتعوا بوقتكن.
ولتكمل الحفلة، وصل رجال ناصح ولحيتو بيضا، صار يضحك
HO HO HOOOO

الكل انعجقوا فيه وكأنو الحفلة كلها عا شرفو…..بنص الليل بلشوا الكل يتبادلوا التهاني، فتحت ايديّ بلكي حدا بيضمني لقلبو بس ما حدا قرّب صوبي.
فجاة بلشوا يتبادلوا الهدايا، فتحوهن هدية هدية بحماس كبير، وبالآخر اتطلعت تا شوف ، لعلّو حدا فكر فييّ بهدية.شو بيكون شعورك اذا بيوم عيد ميلادك ما حدا فكر فيك.؟؟؟؟
بالنهاية فهمت انو ما كان مرغوب فيي بالحفلة، فانسحبت بصمت، وبما انو اللي ما دعيوني السنة الماضية كتار، قررت هالسنة نظّم حفلتي الخاصة وادعي الكل…….وبتمنى اكبر عدد منكن يلبّي دعوتي…
الهدية اللي اكتر شي رح تفرحني، هي انو تلفظوا اسمي انتو وعم تحتفلوا بميلادي، امنيتي من هلأ ورايح تقولوا.

ولد المسيح
ويكون الرد هللويا.
وتا يتجاوب اكبر عدد من الناس مع دعوتي هيدي، بتمنى تبعوتها لكل معارفكن، وانا ممتن الكن للأبد.

بحبكم لاسمى درجات الحب( يسوع)