كيف تقوم قوى 8 آذار بمحاولة جلب المغتربين من الخارج للتصويت؟
كل الأدلة والبراهين فضحا للحقائق ومنعا للتضليل العوني المتمادي
هل تذكرون رسالة النائب ميشال عون الى المغتربين والتي تضمنت الكثير من الإهانات الى اللبنانيين المنتشرين حول العالم، وكأن هؤلاء اللبنانيين عرضة للبيع والشراء؟ وهل تتابعون الحملة المغرضة التي انطلقت بعدها بحق المغتربين وحاولت من خلالها قوى 8 آذار أن تلقي شتى أنواع الاتهامات بحق قوى 14 آذار متهمة إياها بأنها تدفع أموالا ثمن تذاكر سفر للمغتربين لجلبهم الى لبنان للتصويت؟
الطريف أن قصة الاتهامات بحق قوى 14 آذار في موضوع جلب المغتربين للتصويت تشبه الاتهامات التي ساقها فريق 8 آذار بحقهم أيضا في موضوع التسلح في حين كانت ميليشيات 8 آذار تتحضر للانقلاب العسكري في 7 أيار 2008.
السيناريو نفسه يتكرر اليوم: هجوم واتهامات لا تتوقف في موضوع جلب المغتربين، في حين تقوم قوى 8 آذار بكل ما في وسعها لجلب مناصريها في الخارج وكل من قد يصوّت لمصلحتها في الانتخابات، وتحديدا في المناطق المسيحية.
واليوم ينفرد موقع "القوات اللبنانية" بتقديم البرهان الساطع على ما يقوم به فريق 8 آذار في هذا الموضوع ومن دفع أموال لتأمين تذاكر السفر وغيرها من التسهيلات لنقل المغتربين الذين سيقترعون لمصلحتهم في الانتخابات النيابية المقبلة.
فبناء على معلومات خاصة وردت إلينا تم تحديد رقمي هاتف (0142875849 و 0620334527) يتصل بهما مناصرو قوى 8 آذار في فرنسا لتأمين انتقالهم الى لبنان في الانتخابات النيابية المقبلة، اضافة الى رقمي خليوي خاصين بالسيد علي الجباوي (كان ممثلا لحزب الله في مجمع سكني للطلاب في احدى الجامعات في باريس) 0629286029،0668669090 . فقام أحد المغتربين اللبنانيين في باريس بالاتصال بأحد الرقمين منتحلا شخصية وهمية ودار بينه وبين صاحب الرقم هذا الحديث، بعد أن كان أجرى قبل أسبوع اتصالات تمهيدية قبل أن يعيد الاتصال ويسجل مضمون الحديث.
للإستماع إلى المكالمة – إضغط هنا
(ملاحظة: تم تعديل صوت المتصل من باريس منعا لتعريضه لأي مشاكل)
وإليكم نص الحديث:
عماد: ألو علي؟ معك عماد معكرون حكاك الجمعة الماضية صاحبي اسمو جميل (…)
علي: حكي معي على هيدا الرقم؟ قل لي.
عماد: ما بعرف يمكن.
علي: طيب.
عماد: ليك خيي سؤال، حاكاك جميل عن عملية النزلة للتصويت بلبنان؟
علي: مظبوط… ليه؟
عماد: كنا حكينا متل ما حكي معك انو بدكن تدبرولنا النزلة لنصوت، أنا بصوّت بزحلة.
علي: بزحلة كتير منيح، بهمنا الأمر، إيه.
عماد: قل لي شو بدنا نعمل؟ شو المطلوب؟
علي: بدي تبعتلي اسمك وعيلتك وكل شي ورقم السجل والقضاء ليطلع اسمك بالكشف بلبنان وهني بيهتمو فيك كرمال التيكيت.
عماد: طيب سجل إذا بدك، مين بتكون حضرتك بس تأعرف حالي مع مين عم بحكي؟
علي: علي الشباوي، نحنا لجنة الإنتخابات هنا في فرنسا من أجل التصويت ونحنا منعمل الإحصائيات كرمال الإنتخابات للمعارضة.
عماد: أنا مسيحي من جماعة التيار.
علي: يعني معنا مع المعارضة كتير منيح.
عماد: ايه أكيد مع المعارضة 100%.
علي: وين المشكلة؟
عماد: عم تهتمو فينا كمان؟
علي: ما انتو في إيلي حداد مسؤول عنكن في التيار هون، أنا بوصلو ياهن لإيلي حداد وهو بيرجع بيتصل فيك.
عماد: كتير منيح قل لي شو بدك مني؟
علي: الاسم؟
عماد: عماد معكرون.
علي: اسم الأب؟
عماد: جورج.
علي: الإم؟
عماد: مرتا.
علي: الشهرة؟
عماد: معكرون.
علي: تاريخ الولادة؟
عماد: 13/10/1968.
علي: رقم السجل؟
عماد: 16.
علي: القضاء؟
عماد: زحلة.
علي: من أي ضيعة؟
عماد: حوش الأمراء.
علي: رقم تلفونك؟
عماد: 0653534742.
علي: اوكي خيي عماد لكان بعتبر انو تسجل عنك كل شي ونحنا رح نتصل فيك على هيدا الرقم بمجرد أي جديد بيصير معنا.
عماد: طيب أنا في عندي مرتي وولادي شو بدي أعمل فين؟
علي: بيصوتو؟
عماد: مرتي بتصوت ولادي زغار.
علي: قديش عمرن؟
عماد: 5 سنين.
علي: اعطيني اسم مرتك وانا بكتب ملاحظة انو معا ولدين وهني بوقتا بيهتمو بهالأمر ما تعتل هم حبيبي.
عماد: طيب صاحبي سؤال لانو بلبنان ما عندي شي لا أهل ولا شي، أهلي توفوا من زمان. في حدا يظبطنا تحت؟
علي: هيدي لازم نحكي فيا بعدين لأنو مني بالمكتب. ليك خيي عماد، رح اكتفي هيك، أنا بكرا رح وصّلك الملف للمسؤولين وخلين يحكوا معك مباشرة بيكون أحسن لأنو عندن معلومات أكثر مني. أنا بس بسجل ما فيي جاوبك على كل الأسئلة، فأنا رح وصلن للمسؤولين بكرا ويمكن يتصل فيك واحد اسمو الحاج علي وهيدا اسمو أبو عدنان، عرفت كيف؟ وهوي مسؤول عن كل شي وبيجاوبك عن كل شي كيف بدك تنسق انت وهو.
عماد: عملية العيلة ما في مشلكة برأيك انت.
علي: ما بعتقد فيا مشلكة نزلة العيلة بس ما فيي جاوبك بالنسبة إذا في حدا بلبنان بيقدر يساعدك، بس العيلة ما فيها مشكلة لأنو في عيل كثير معن ولاد زغيرة.
عماد: كتير منيح.
علي: هيدي واقعين فيا، بس هيدي أول مرة بعرف انو حدا مش قادر أو ما عندو سكن بلبنان شو ممكن نعملو هيدي مضطر أنا اسأل عنها لجاوبك.
عماد: كتير منيح، اسأل وانت معك رقمي وحكوني.
علي: حبيب القلب اوكي ولا يهمك.
عماد: يعطيك ألف عافية.
علي: الله يعافيك حبيبي عماد وإذا حبيت ولقيت أي حدا بيصوت بزحلة مع المعارضة وبهمو الأمر انو ينزل اتصل فينا وعطينا خبر.
عماد: أكيد 100% يعطيك ألف عافية.
علي: الله معك مع السلامة.