ميشال عون Vs غسان الرحباني… كيف ينظر العونيون الى العلم اللبناني؟
لمشاهدة الفيديو اضغط هنا
تناقضات العونيين لا تحصى ولا تعدّ… ولا تنتهي. هذا أمر اعتدنا عليه، ولكن حين يقع التناقض في أكثر المواضيع حساسية، مثل موضوع العلم اللبناني، يصبح الأمر مهزلة. فالنائب ميشال عون شنّ حملة في إطلالته الأسبوعية بعد اجتماع تكتله الاثنين الماضي 11 أيار، على الحملة الإعلانية لـ"القوات اللبنانية"، والتي حملت صورة العلم اللبناني وتحته شعار "الاستقلال الثاني"، وعلما آخر الى جانبه أصفر اللون وتتوسطه أرزة برتقالية وتحته شعار "الجمهورية الثالثة". واعتبر عون أن في الأمر مسّا بالعلم اللبناني وأن الأمر غير مقبول.
وقال عون حرفيا: " هلق في شي أهم من هيك، في لوحات إعلانية بتمس بالرمز الوطني، بالعلم اللبناني، يعني العلم اللبناني محطوط على جهة والعلم التاني محطوط الـfond تبعو أصفر يعني بتعرفو هيدا كلو لون حزب الله. يعني إذا حدا ما فهم أنا رح إشرحلو اياه، والأرزة برتقالية وحد منو العلم اللبناني. ما بعرف إذا بيضحّك أو ببكّي، هل العلم اللبناني تغير؟ معروف انو نحنا شعارنا العلم اللبناني كان ومبارح ذكرته بخطابي وقت لي أعلنا البرنامج، كنا وقت نحمله بالشارع، يحملو الطلاب، يهجموا عليهن قوى الأمن يفتشون، صارو يفتحو صناديق السيارات إذا لاقوا العلم اللبناني يوقفوا ركاب السيارة وياخذون عالحبس وهلق صارو عم بيهتونا انو غيرنا ألوان العلم حطينا أرزة برتقالية على أصفر، أنا بعتبرو مس بالرمز الوطني لا يجوز التلاعب فيه وخاصة هناك نص دستوري يحدد الوان العلم اللبناني أحمر أبيض بمقاييس اللي لازم يكون فيها وفي لون الأرزة الخضرا بوسطه، لحد هلق هيدا علمنا. هيدا بيسمو جرم تحقير العلم. هيدا بالقانون بيسموه جرم تحقير العلم".
أما المرشح العوني في المتن غسان الرحباني فقال حرفيا في اليوم التالي أي الثلثاء 12 أيار: " البانو لي عاملينو، الأصفر والأورانج، العلم أصفر والأرزة أورانج، عنجد عنجد نحنا بالـ CREATIVE DEPARTMENT تبع التيار، كتير عم يشكروون لهل الجماعة، قد ما فكرو كرمالنا لأنو هيدي الفكرة نحنا بدنا نعملها وما كانت إجتنا قد ما منيحا لإلنا، ما عم بفهم وين المشكلة إذا حزب الله والتيار الوطني الحر هني الأقوى بالبلد كتير منيحا، أكيد وحلفائنا".
لذلك نسأل: من تصدقون؟