ليش … ليش باسيل؟ وليش الإتصالات؟
أنا مواطنة لبنانية ومن حقّي إسال ليه تشكيل الحكومة معرقل؟
ليش باسيل؟ ما في أشخاص مثقفين ومعلّمين ومناضلين بالتيّار؟ هالقدّ ما بقى في حدن خرج بالتيّار؟ أوف؟؟؟
إذا مش هيدا السبب شو لكان؟
مش ع أساس عون ضدّ الوراثة السياسية؟ هيك ع أساس… بس بعرف أنو عادة بيصرّخ شي وبيفعل شي تاني.
مش ع أساس عون ضدّ توزير الراسبين بالإنتخابات؟ أو يحقّ "للشاعر" ما لا يحقّ لغيره؟؟؟
ليش الإتصالات؟؟؟
1- جبران باسيل منّو مهندس إتصالات، يعني بكلّ الأحوال هيدا مش إختصاصو.
2- كل العالم شاهدة إنو باسيل استعمل الوزارة لغايات انتخابية: من تسجيل صوتو، للتخفيضات اللي عملها (اللي بعضا مظبوط وبعضا ضحك ع العالم).
3- كل التأخير بتوصيل المعلومات للجهات الأمنية؟ دايما عندو حجج ما بتقنع حدا….
4- كل العالم عم بتعاني من الخطوط، لي عم تمرق بأسوء حالة، تا نحكي دقيقة عالخلوي، بينقطع الإتصال أكتر من مرّة، هيدا أصلا إذا علّق الخط، وإذا ما لقيت حالك فجأة عم تحكي مع حدا تاني، هيدا التطور بوزارة الإتصالات اللي أتحفنا في باسيل. أصلا اللي معن خطوط تشريج، حدا عم يقدر يضاين لآخر الشهر… هو رخّص التشريج الشهري بالألفا من 48$ لـ 25$ (بتدفعها 39000) وقلّل مدّة التخابر من ساعتين لساعة، بس ما حدا يسترجي يقول إنو ما رخصو الخطوط….
5- بالإضافة لكل التجاوزات اللي عملها بالوزارة…. على سبيل المثال لا الحصر، فضيحة "الأشرف"…
هنّي ما عندن محسوبيات: بس كل زلمون صارو بالوزارة وشركات الإتصالات …. لدرجة إنو شركة "ألفا" ما عادت تعرف شو بدا تشغّل الموظفين اللي عم يهبطو عليا….
6- شو وضع التنصّت؟ مين بأكّد إنّو ما في ملفات ومكالمات بتدين جهات معيّنة، وهنّي ناويين يغطّو علين؟؟؟
مين بقول أنو مش عم يدعمو شبكة الإتصالات الخاصة بـ"حزب الله"، يلي كان ناوي يخرب البلد كرماللا…
في حدا منن يقنعني بالمنطق ويجاوبني بصراحة على هالأسئلة؟ ليه؟؟؟