كرمت مصلحة طلاب القوات اللبنانية الرفيق المتفوق والأصم وسام نديم قسطنطين خلال حفل عشائها السنوي حيث تسلم من رئيس مصلحة الطلاب شربل عيد و النائب ستريدا جعجع درعاً تقديرياً باسم مصلحة الطلاب كتب عليه :" قواتي: مميز في العلم، مميز في الحياة، مميز من لبنان".
والقى قسطنطين كلمة مؤثرة في المناسبة صفق لها الحضور وقوفاً جاء فيها:
"قائدي الحكيم رئيس الهيئة التنفيذية للقوات اللبنانية
اصحاب المعالي و السعادة
امانة سر 14 آذار
رفاقي بمصلحة الطلاب اللي بعرف انهم تعبوا كثير بتحضير هالحفل و التكريم،
ألف شكر لإلكم كلكم.
و اكيد، مثل قدام كل محطة مهمة بحياتي مثل تكريمكم لإلي اليوم، ما بقدر الا ما اشكر الرب على كل شيء عطاني ياه:
بشكره على عيلتي الصغيرة: امي و بيي و اخواتي
بشكره على رفيقتي القمر اللي نورت ايامي سمر
بشكره على عيلتي الاكبر اهل بيي و اهل امي
و بشكره على الاشخاص الطيبين اللي حطهم بطريقي و ساعدوني لأوصل لهون.
و اهم شي بشكر الله لانو عطاني العقل والوعي، مش بس لأتعلم، كمان لأعرف وميّز بالسياسة واختار، والدليل انو انا بفكر صح، وجودي هون بيناتكم بالخط الصحيح، خط ثورة الأرز.
وبحب خبركم شو قال بيي لما اتصلت فيه مذيعه عم تعمل برنامج عالتلفزيون عن الايمان بالله والكفر وعرفت انو نحن 3 اخوة ما منسمع، تلفنت لبيي وسألتو: "اكيد انت بوقت من الاوقات كفرت بالله؟" قلها "لا". سألتو "اكيد ولا شوي من الوقت؟" جاوبها "اكيد لا". وظلت عم تسأل كأنها مش عم تصدق "معقول" صارت تقول "ولا مرة!!! حتى لما راح سمع ابنك الثالث؟؟" جاوبها بيي: "بدي قلك شي لترتاحي: هودي اولادي الثلاثة بعتبرهم 3 نِعَم، 3 اعظم هدايا من الله، بس لو طلع واحد من اولادي ضدي بالسياسة (بحب غير لون) كنت كفرت عالاكيد.
بكرر شكري لرعاية الحكيم ولمصلحة طلاب القوات على تعبها وعلى تفكيرها الدايم بالإنسان، واللي هي اكيد القلب النابض للقوات اللبنانية. لما تشكرتهم جوابهم كان نحن فخورين فيك، واليوم بحب قلهن، انا فخور اكثر اني واحد منكم
انني واحد منكم
واحد من القوات اللبنانية…"
وفي ما يلي السيرة الذاتية لقسطنطين:
• مواليد 01/08/1986
• اول أصم يدخل جامعة خاصة في لبنان NDU سنة 2006 – ( الإختصاص Medical Laboratory )
• أول أصم يتخرج من جامعة خاصة في الشرق الأوسط مع التنويه سنة 2009 .مع تكريم خلا حفل التخرج بجائزة التميز الأكاديمي والإنساني من قبل رئيس الجامعة الأب وليد موسى.
• حائز على جائزة سعيد عقل للتفوق الأكاديمي نيسان 2008
• مقابلة مع السفيرة ميشال سيسون حزيران 2008
• استقبال تكريمي من قبل رئيس الجمهورية ميشال سليمان في القصر الجمهوري ايلول 2009
• 3 شهادات تنويه من قبل عميد كلية العلوم في ال NDU
• أول أصم يدخل لمتابعة دراسة Masters in Microbiology and Immunology في الجامعة الأميركية في بيروت – AUB
• محرز المرتبة الأولى في دورة امتحان لنيل إجازة العمل في وزارة الصحة وحاصل على شهادة تقدير من وزير الصحة لحصوله على معدل 9،7 على عشرة.
• أول لاعب كرة سلة أصم شبه محترف في لبنان والشرق الأوسط :
o بلوستارز 2002-2005
o هومنتمن 2006-2007
o المركزية 2007-2008
o اللويزة 2008 لغاية الآن
o فائز ببطولة لبنان للصم في كرة السلة 2007
o فائز مرتين بمسابقة ال DUNK
o فائز بست دورات مصغرة لكرة السلة حيث حاز مرتين على جائزة أفضل لاعب
اجريت معه عدة مقابلات وعنه عدة تحقيقات في عدد من الصحف والمجلات ووسائل الإعلام المرئية
( MTV, LBC)