مع كل شرقة شمس رح نخلق رمزي جديد

يا زمن !
أوّل ما توصل بكرا
بلِّغ بكرا
انو البطل جايي
جايي ومعو أحسن فكره
فكره عن وطن غالي
غالي وشعبو عنيد
بالسما زرع أرزاتو
تا تكون شامخة
ونوعها فريد … !!!
يمكن بكرا يبقى بكرا
واللي جايي
يبطِل جايي
نلاقي الدنيي كلها جنازي
الناس تغنِي صوتا تعلي
هوني مقبرة الأعادي
تقلًون مش ممكن يفنى بلدنا
دم بيشرب أرز بلادي
وكل ما شحو هالدمات
من قلوبنا منعصر ومنزيد … !!!
قول الراحو هودي إلنا
وغير البطولي ما عنَا
بلادي كلها نعوش نعوش
تحوِّل يوم الذكرى عيد
عيد الرمز اليِ صار بعيد
أبعد من حلم وخيال
راحوا اللي كانوا
زينة الرجال
هني بموتون أحرار
ونحنا لولاهم عبيد … !!!
يا رمزي
يا رمز الصمود
يا أرزة من أرزات الخلود
كنت بجدارة مقاوم عنيد
ويوم الرحيل
بكّيت الرجولي
ورسّخت البطولي
وما رضيت غير ترحل شهيد … !!!
يا رفيقي يا ورد وغار
ما تزعل لو مهما صار
أشبالك عزايمها حديد
ومن بعد ما بالسما
أرزة زرعناك
صار تراب السما
بوجودك سعيد … !!!
رمزي يا بي الجاد والياسمين
كلمة يا بيي عندهم
ما عاد الها رنين
حياتهم صارت شوق وحنين
يا رفيقي المقاوم
يا زوج وحبيب
يا بطل يا صنديد
وعدي إلك !
مع كل شرقت شمس
رح نخلق رمزي جديد … !!!