من طلب العلا سهر الليالي
و من انتقل الى العلى سهّرنا الليالي
كلمتين شَهادة و شْهادة
شَهادة بتحرمنا أشخاص
و شْهادة هيي شْهادة حياة ،لمسيرة مكملة بكل واحد فيكن
جيت اليوم عمناسبة عنوانا الفرح
هيي بلسم لقلبي اللي انجرح
لمستقبل شباب و صبايا قدامن انفتح
نطرت 23 سنة لشوف طوني لابس توب التخرّج الاسود
و اليوم…. شفت طوني بيكل واحد منكن…….و أنا لابسة الاسود
الشْهادة بتنحط عالحيطان و الشَهادة مفخرة عصدر الأوطان
الشْهادة بتبني لبنان و الشَهادة بتحمي لبنان
الشْهادة بتزيد قيمة الانسان
و الشَهادة بتعلمنا نفدي لبنان
انتوا اليوم عم تستلموا اكتر من شْهادة
عم تستلموا أمانة
أمانة مغمّسة بالدم محفورة بالصخر
محمية من الرب
عم تستلموا مستقبل و مصير لبنان
لتصونوا و تحموا أرزو، أرز الرب
درب المقاومة اللي مشيوها رفاقنا بالماضي بعدا مستمرّة
بس تغيّر سلاحنا بدل ما يكون موت و الم صار كلمة و قلم
من هون منبدا و ما منهدا
لو مين ما جرّب أحلامنا يهدّا
كونوا انتوا الخط الأحمر
لطموحات المستقبل تتعمّر
و للأرزة تضلا محمية
و جذورا تكون قوية
كونوا أوفيا للقضية
أوفيا للقوات اللبنانية
طوني
طوني النجمة الي عم تسطع
رفاقو أكيد عم يقشع
مع كل صرخة فجر عم يطلع
صلواتن عم يسمع