منفهم انو الواحد بيستعير كتاب تيقرا، أو بيستعير فيلم تيحضرو، أو بيستعير قداحة تيولع سيجارة، أو بيستعير كابلات تيدكر بطارية سيارتو، لكن سامعين بحدا بيستعير شهيد؟
نعم القوات اللبنانية كرمال تحيي ذكرى شهدا المقاومة اللبنانية، قررت تستعير شهدا وتحطلن صورن بالإعلان عن ذكرى المقاومة اللبنانية.
نعم الشهيد جورج حاوي استعارتو من الحزب الشيوعي اللي ما إلو علاقة بالمقاومة اللبنانية اللي بتمثلها لقوات لا بل كان مع الفلسطينية بفرد خندق ضد هالمقاومة.
الشهيد سمير قصير كان يساري ولا مرة كان بخط القوات وبرضو استعارتو لتحطلو صورتو بالهذكرى.
الشهيد وليد عيدو الله يرحمو لما كان في مقاومة لبنانية كان مشغول بتعزيز صداقاتو وهداياه مع وإلى السوريين.
الشهيد رفيق الحريري طلع ابنو واعتذر من سوريا وبرأها من تهمة اغتيال بيه وبرضو استعارت القوات اللبنانية صورتو لتحطها بإعلان هالذكرى.
الشهيد داني شمعون ما رح نحكي عن موضوعو تا ما نفتح جروح وبرضو نزلت صورتو، عياري بالإعلان.