لمّا الواجب ناداني لبّيت حملت سلاحي وتركت البيت
ودّعت صحابي وأهلي والعالم يلي حبّيت
بساحة المعركة قاتلنا قاومنا وما انهزمنا
بقوة ايماننا وعقيدتنا يلي عليهن تربيت
لكن رصاصة من رصاصات الغدر صابتني واخترقت هالصدر
بس دمي ما راح هدر تراب بلادي بدمي فديت
صرت شهيد وطن الأوطان ربّي استقبلني بالأحضان
وغمرني بعطف وحنان وقلي عنك ما تخليت
دخلك يا امي لا تبكيني بدمعاتك ما تعذبيني
بيوم القيامة بتشوفيني بالسما تشفعتلك وصليت
بشكرك يا بيّي بشكرك بصلاتي دايماً بذكرك
انا هون بالسما بنطرك بنطر الجناح لي تحتو احتميت
يا اختي صلي وضوي شمعة لا تذرفي عليي دمعة
رح اذكرك عا طول الجمعة اذكر اختي لي عنها ما تخليت
يا حبيبي يا خيي الزغير كتر صلاتك وصلي كتير
انا حدك مهما يصير برشدك وبساعدك اذا خطيت
يا حبيبتي يا حنونة يا قلبي ونور عيوني
انتي عا روحي بتموني بس بلادي أغلى لو نقيت
مهما جار الزمن وطال القوات باقية عا مرّ الأجيال
تخرّج رجال شهدا وأبطال يقولوا تراب لبنان بدمي فديت
عالأرض، بالسما، وين ما كون بتمون عليي يا لبنان بتمون
عراحتك وحيتك بتسهر العيون ومن السما أنا حاميك
متل ما عالأرض ترابك حميت