معاليك … معاليك … يا معاليك !!!
انطوان سعاده
صح يا معاليك إنّك من الأوادم.
صح يا معاليك إنّك شيخ الأوادم.
صح يا معاليك إنّك ما بتزيح عن الزيح.
صح يا معاليك إنّك أبعد واحد عن الفساد.
إذا بدّي كمّل صح يمكن يكون في عشرين صح بس الصح اللي بتخصني هيّي إنّو معاليك أسير ردة الفعل.
الصح اللي بتخصني إنّو معاليك ولا مرّة كان عندك الفعل.
الصح اللي بتخصني إنّو معاليك بتخاف شو بيكتب الإعلام وشو الناس بتحكي.
يا معاليك الصح إنّك تصنع الفعل وتنتظر من الناس ردة الفعل.
سكّر طريق انطلياس من العجقة !!! معاليك بتركض تتبلّش تفكّ العجقة !!!
حادث سير كبير !!! معاليك بتتذكّر إنّو في مشكل في حوادث السير !!!
بنوصل على الرادارات الشبح معاليك…!!! قللّي يا صاحب المعالي شو هيّي معايير السرعة في هذا البلد؟ مين يلّلي درس وحدّد السرعة على طرقات هذا البلد؟!!!
بتعرف يا صاحب المعالي إنّو تخفيف السرعة في السير مثل السرعة الزايدة بتوصّل الى حادث مميت!!!
كيف بدّك تحاسب الناس على السرعة والناس مش عارفة شو هيّي السرعة ؟؟؟!!!
يا معاليك القرارات المتسرعة والمبنية على ردة الفعل هي بالتمام والكمال مثل السرعة الناقصة.
أرجوك يا معاليك !!! ما بدنا سرعة …! كما إنّو كفانا في هذا البلد تسرّع و PROPAGANDA إعلامية.