ضلوا صلوا يا أخوان عن أرواح اللي غابوا
غابوا تا يبقى لبنان بشعبو بأرزو وبترابو
غابوا تا يبقى الإنسان يعيش بحرية بإيمان
يعيش بكرامة وأمان مش عايش عأعصابو
ما غابوا حتى خوّان يركع للشام وطهران
بحقد ونجاسة فلتان تا علينا يدير كلابو
بالأرض لو ما نزرع الحبّات من وين بدنا نجمع الغلات
حتى نرجّع زهوة الساحات لا تفزعوا ان كشّف عن نيابو
بحقد وكفر ما بتلتغى شهادات بدم البطولة سطروا حكايات
شهداءنا بقلوبنا شعلات خالدة لو شموعهن دابو
كيف بدنا نترك القوات اللي استشهدوا تا بقيت الأرزات
شو بقول للبيات للأمات شو بقول للي فاقد حبابو
شو بقلهن معليش يلّا مات وشهداءنا الاحباء هالوردات
دخيرتنا بالفكر بالدمات كرمالهن الله فاتح بوابو
يسوعنا تكلل من الأشواك ومهما يحطوا فخوخ أو أشراك
مدماك بدنا نحط فوق مدماك لبنان بدنا نحصّن عتابو
لا تفزعوا خلّوا الإيمان كبير شبكوا الأيادي كملوا درب البشير
هبوا سوا عندما يدق النفير توحدوا كلكن كونوا سمير
فخر لبنان من همة شبابو