يا جبال عالشمس اعتلي وعن اجريكي نفضي كل الغبار
وين الكرامة ما بقى رح تسألي عندك شموخ ومنّك الأحرار
باقي عقدرك باسم الله العلي انت القداسة ومنبع الأبرار
مكتوب نحنا بنسير درب الجلجلي لأجل المسيح وهيك كان الإختيار
وبلبنان يا مجموعة المستهبلي فيقي وفكّري بكل اللي صار
بيكفي حقد بقلوبكن يغلي غلي لبناننا لبنان اسمو من الأسفار
للشام ما بيصير هيدي مهزلي ذل وسخط ومهزلة أقدار
قالولكن بيجوز شو هالبهدلي كل الهزايم خبروكن انتصار
الكفر الحقد لا تقضوها مرجلي بقي لبنان وما غيروا الجزار
واليوم صرنا نقول يا ليالي التخلي عا اللي فرجاكن البلان عار
آخذكن ورايح على ديار البلي خبرونا شو عمل غير الدمار
قدامكن بيقول هوي بو علي بيهدد وبيهد ليل نهار
وبعدكن خلفو ركض وهرولي تا تاخذو لبنان صوب الإنتحار
حقدكن صرتو تعدوه مرجلي بإجرامكن صرتوا بأوطى منزلي
وعجبينكن محفور ذل وعار