يا مار مارون عقد ما عندك قداسي
اندره كوكباني
يا مار مارون عقد ما عندك قداسي
غني أنا بعيدك عندي حماسي
مبارح كنت نايم وغفيان
شفت صورة حلم كلو تعاسي
متلي شفتك تهجرت من لبنان
وخايف ما نبقى هون ويموت احساسي
لما رفعو الك تمثال وين ما كان
بسحات روما وخلق من هيك وسواسي
سألت هالتمثال ليش هربان
هربان قلي من العم يعملو سياسي
وقلي يا ابني بلسان مش خيفان
عني الحقيقة قول ولو كنت قاسي
ناسي متل قوس القزح ألوان
وخايف ما يسود اللون الي تيابهم ناسي
وقلو لابني شو قيمتو الانسان
لما لخيو بيعقد مراسي
ولما بيبعد بيبعد بيبعد عن الايمان
وبيقرب بيقرب بيقرب من شقعة كراسي
قلو جدو لجدك عمر الاو طان
وما لك شغل عالارض غير لحراسي
ولو كنت شقفة ارض من هالارض ورتان
ممنوع انت تبيعها برنة نحاسي
قلو يا ابني حكم بتكون بالميدان
لما اهل الوطن بيضيعو الطاسي
وبدي يا ابني تكون بيضة القبان
لمل البلد بيمر بظروف حساسي
وقلو يا بني اذا خربت بكفة الميزان
بالكفر رح تضرب الرقم القياسي
وفجأة وعيت من الحلم فهمان
والشرق تا يبقى عشط الأمن راسي
فتحوا سينودس هون وتجمعوا الرهبان
وتيحافظوا عا شرقهم عملو دراسي
فخر إلنا لما الفاتيكان
تمثل شرقنا فيه كان شرطو الاساسي
فهمت مش هربان وقبلت منشان
تقلو للمهاجر عارضك عود
صلي بيديري وربع جراسي