نسمة جايي من لبنان مشبعة بعبق الياسمين
وقوة أرز وسنديان وعم نسأل جايي لمين؟
جايي تترد الإيمان لقلوب اللي مشككين
– – – – – – – – – – – –
مشينا عدرب الجلجلي وقفنا بوجه الطامعين
يا ما لقينا بهدلي لكن بقينا صامدين
والحق قايدنا بهالمرحلي عدربو بدنا نضل نحنا ماشيين
لولا صار في عنا زلزلي منبقى على عهد الوفا العهد الأمين
وشهادتنا بتبقى مكللي بإكليل شهامة وكرامة خالدين
لا بد ما توعى بضاعة مضللي وتشوف انو الحق قايدنا الرصين
بيكفي لصوب الأخ ركض وهرولي بيكفي تحت إجريه انتو خاشعين
العودة لدرب الحق دوم مفضلي ليش حتى تلحقو خاين لعين
مقاومتنا كانت وبعدها محللي وبتضل خرزات مسابحنا مسلسلي
وتفضلوا العبرة انطوانيت شاهين
من البداية دربنا آلام وعلى هالدرب نحنا باقيين
مستحيل نصير كلب الشام لتراب الوطن نحنا مخلصين
مهما يهددونا بالإعدام لبنان إلنا ونحنا مآمنين
تيركعونا كلها أحلام إلا لفادينا ولا مرة راكعين
ما بدنا شفاعة واسترحام إلا حقنا مش طالبين
وإن كان مطلبن الإرغام منواجهن بصدور عريانين
يطلعو بقا من الأوهام ما رح نركع للحقد والإجرام
لأجل الكرامة منموت نحنا وواقفين