اقيمت عند الساعة الرابعة من بعد ظهر الأحد 3 نيسان، الصلاة عن راحة نفس الرفيق الشاب المهندس انطوان الحلو ابن الرفيق بيار الحلو، والدته هيلدا جبور وشقيقه مارك حلو، في كنيسة سيدة لورد عين الرمانة.
وترأس الخوري خليل شلفون رتبة الجناز وصلاة رفع البخور يعاونه الأباء دومينيك لبكي من رعية مار نهرا- تحويطة النهر، ونائب رئيس جامعة الكسليك الأب جورج حبيقة، ولفيف من الكهنة والرهبان.
كما حضر ممثل عن رئيس الهيئة التنفيذية في القوات اللبنانية الدكتور سمير جعجع، الأستاذ جان انطون، واعضاء من لجنة التحويطة في القوات اللبنانية والرفاق وأصدقاء.
وكانت كلمة رثاء للرفيق جوني حبيب، قال فيها:
"باسمي وباسم شباب عين الرمانة منقلك يا رفيقنا يا بطل…ومين قال انو الابطال مابتموت…عين الرمانة يللي حبيتا كتير،تعمدت وشعننت …ربيت…تعلمت…وكنت وفي لئلا وكبرت فيا منقلك يا طوني انو هيي بتحبك وماراح تنساك…ورح تكون وفية دايما" لذكراك.
يا سيدة لورد يا شفيعتنا وحبيبتنا طوني كان يحبك كتير وكان كل ما يجي عالمنطقة كنا نشوف الفرحة بعيونوا…بدنا نشكيلك همنا،شبابنا عم بروحوا صغار وبعمر الورد ونحنا بأمس الحاجة لألون…ولوجودون.
على كل يا بيار، يا هيلدا ويا مارك منعرف انو مافي شي بالدني بعوض خسارة عريسنا طوني، بس اسمحولي باسم شباب عين الرمانة، قلعة الصمود متل ما كان يحب يسميا،اوعد طوني انو المنطقة يلي حبا رح تضل عصية على كل محاولات تغيير هويتها ،ومنوعدك انو القضية يلي حبيتها وحلمت فيا رح تبقى قضيتنا… طوني قبل مانقلك الى اللقاء منوعدك وحياة اجمل عيون مغمضين انو عيونا رح يضلوا مفتحين ومنطلب منك تضل صليلنا… الى اللقاء".
تقبل التعازي الاثنين 4 نيسان في صالون الكنيسة من العاشرة صباحا حتى السادسة مساء والثلثاء 5 نيسان في صالون كنيسة مار شربل ادونيس من العاشرة صباحا حتى السابعة مساءً.
