يا بيي – طوني حنا
بيوم عيدك ما بعرف ليش هيك صار
تاركني وحدي والدنيي ولعاني بالنار
يا بيي قديش انا بحاجة الك اليوم مع
اني ما حسيت هيك يوم تركتنا صغار
امي الاماني حملتها بتقلها، قاومت جور
الزمن، ما رح خبرك قديش عليها الزمن جار
اختي الصغيري صارت بغيابك متل القمر
واحلى، نجوم السما خلقت تمن حلاها تغار
وبنتك الكبيري، عالذكرى عم تربي ولادها
واخواتك الدمعة بعيونن بعدها معلمة اثار
يا ريتك يا بيي بعدك معنا بهالعيد، تاركع
على اجريك، وقلك، من دونك آخ يا بيي
يا بيي ما عادت بغيابك هالدار …. دار