مش كل مين راح
منعدّو شهيد
كلّ اللّي حمل جراح
عم يمشي وشهيد
يا غايبين وبعدكن بيناتنا
إنتو أمانة عهد من بيّاتنا
شهادتكن خلّدت أرزاتنا
ولو ما تكونوا راح لبنان العنيد
بحضن السمايا فخرنا وآمالنا
يا شعاع الحق فوق جبالنا
درب الوفا وحدها بتحلالنا
خيانة وحقد لا لا ما منزيد
بطولتكن طوّلت أعمارنا
أنتو الكرامة وفخرنا وأزهارنا
مهما يهمدر ويطمع جارنا
ذكرى لقاكم كانت وبتضل عيد
البداية هون أسّسنا بشير
بقينا مشينا الدرب قايدنا سمير
مهما الخاين شاف حالو كبير
مستحيل يهزّنا نباح ووعيد
راحت الحرب ويا ريت ما بتعود
قرفنا الدمار وريحة البارود
ما حصلت الإمّات إلّا عا وعود
وما سمعنا غير بكي وآخ ونهيد
بدنا نصلّ نجدّد الإيمان
لولا بعضنا نكروا بلبنان
لازم نرجّع قيمة الإنسان
غير تراب الوطن ما منريد
لا يفكروا لبناننا منشلّ
بوجه الأعادي سيفنا مِنْسِلّ
هون كنّا وبعدنا ومنضل
عن طريق الحق ما منحيد
ما بتركع الأرزات لكل مين سبّها
ساعة الحزات نحنا ربها
تا تعمر الأوطان بدنا نحبّها
ما بتنبنى البلاد بغناني ونشيد
كل هالأبطال يللي استشهدوا
استشهدوا عن حبّ نحنا منعهدو
كرمالن لبنان لا نعبدو
ونضوي عكلّ الكون مشعل معبدو
تيضل عا هالأرض موجود ومجيد