مش بس كل مين راح منعدو شهيد
كل اللي حمل جراح عم يمشي وشهيد
يا غايبين وبعدكن بيناتنا
انتو أمانة عهد من بيّاتنا
شهادتكن خلّدت أرزاتنا
ولوما تكونوا راح لبنان العنيد
بحضن السما يا فخرنا وآمالنا
يا شعاع الحق فوق جبالنا
درب الوفا وحدها بتحلالنا
خيانة وحقد لا لا ما منريد
بطولتكن طوّلت أعمارنا
انتو الكرامة وفخرنا وأزهارنا
مهما يهدر ويطمع جارنا
ذكرى لقاكم كانت وبتضلّ عيد
البداية هون أسسنا بشير
بقينا مشنا الدري قايدنا سمير
مهما الخاين شاف حالو كبير
مستحيل يهزنا نباح ووعيد
راحت الحرب وريت ما بتعود
قرفنا الدمار وريحة البارود
ما حصلت الأمات إلا عا وعود
وما سمعنا غير بكي وآخ ونهيد
بدنا نضل نجدد الإيمان
لولا بعدنا نكرنا بلبنان
لازم نرجع قيمة الإنسان
إلا تراب الوطن ما منريد
لا يفكروا لبناننا منشلّ
بوجه الأعادي سيفنا منسلّ
هون كنا وبعدنا ومنضل
عن طريق الحق ما منحيد
ما بتركع الأرزات لكل مين سبها
ساعة الحزّات نحنا ربها
تا تعمر الأوطان بدنا نحبها
ما بتبنى بغناني ونشيد
كل هالأبطال يللي استشهدوا
استشهدوا من حب نحنا منعهدوا
كرمالهن لبنان لازم نعبدوا
نضوي عكل الكون مشعل معبدو
تا يضل عا هالأرض موجود ومجيد