إن هذه السطور القليلة والتسجيل الصوتي برسم إدارة جامعة سيدة اللويزة والأجهزة المعنية، ومن بينها تحديدا قيادة الجيش اللبناني.
إن التسجيل الصوتي هو لمسؤول الطلاب العونيين في الـNDU ايلي غنيمة، وفيه تهديد واضح لطلاب الجامعة وإدارتها باستعمال ضباط الجيش ومخابراته في حال لم يتم تنفيذ رغباتهم.
يقول حرفيا:
"شغلنا مع الإدارة عم ينعمل، ميشال عون اللي عندو 100 ألف همّ و100 ألف شغلة، عم يعمل شغلو. اليوم بدقلّي مسؤول لجنة الطلاب بيقللي انو الجنرال دقّ وسألو. التيار كلو مهتم بهالموضوع بس في درجات بدنا نقطع فيها وما في تصعيد كبير من أول نهار. تا ما يتهمونا متل عادة انو انتو طول عمركن انتو العونيي راسكن فجّ ودغري بتكسرو وبتعملو وما بتستوعبو وما بتعطو فرصة. عاطينن فرصة. فهمناهن بالإدارة وبكرا رح نرجع نقولا بنفس الجامعة انو نحنا جماعة إذا ما رح يصير في حل تاني، أنا أول زلمة بستقيل الإثنين أو الثلثاء أو الأربعاء شو ما كانت نتيجة الإنتخابات، نحنا الأربعاء الجايي منستقيل وهيدا آخر حل اللي منعطي، نحنا والـ commity وجربو تعاطو مع social ما في commity. Social نصو ولاد ضباط، هني بحلوها هني ومخابرات الجيش مع شباب "القوات".
هيدي الشغلة بالإدارة صارو عارفينا، وبوعدهن ووعدتهن، وبكرا رح نرجع نوعدهن، أنا شايف المنظر قدامي بالكسليك. زلمي من خلية القوات عمل زعرنة وقتها، وجربو ما يشحطوه، وجربو الـ security يحموه بالكافيتيريا، واسمو ألبير من بيت الحاج وما بعرف إذا متل ألبير اللي عنا هون. صار مشكل من سنتين أو تلاتة بالكسليك تحت وأنا كنت بعدني تلميذ تحت، بقلب الكافيتيريا جربو يخبوه كل القوات بالجامعة، كل القوات اللبنانية تبع الجامعة جربو يخبو وسكرو الكافيتيريا وكل الـ security، إجا 5 من ضباط الجيش، 5 ضباط من مخابرات الجيش، فتحو الباب، فاتو سحبوه، وطلعوه تدفيش وتدعوس برات الجامعة. هيك رح نشوف المشهد جمعة الجايي إذا ما صار في شحط لهالشباب، وإذا ما رجع حقنا. عم قلكن وعد شرف مني إلكن وهون إذا في 100 شخص باكل 100 بزقة جمعة الجايي إذا ما وصلنا لحل بهالموضوع، باكل 100 بزقة، أنا بدي تبزقو عليي. أنا عم قلكن، آخر خطوة رح أعملها الإستقالة ومن بعد الإستقالة الفوضى. نحنا جماعة إذا بدن الفوضى، إذا بدن الغابة نحنا منرضى بالغابة، ما في مشكلة. ملوكها للغابة أكيد، ما عندكن ثقة فينا، وثقوا بالجنرال عون، ضعفت أو قويت، نحنا بدنا نضل مجموعة واحدة وإلا ما فينا نعمل شي جمعة الجايي، لا فينا نسكر جامعة، لا فينا نسجل موقف، لا فينا نعمل اعتصام ولا فينا نخرب ولا فينا نكسر عم قلكن ياها لتكونوا بالعلم ما حدا بيعرف لوين منوصل. كل شي وارد. قلن ياها الجنرال في حل تالت وحل رابع وحل خامس. فا please رواق للآخر ومن بعد الإنتخابات بوعدكن غير حديث بس خليها تخلص هالإنتخابات وخلينا نكون لمرة ما نكون أم الصبي، متل ما منقول نحنا عطول نحنا إم الصبي وانو نضحي كرمال مصلحة لبنان، خلينا نحنا كـ social نضحي كرمال الـ ndu ما يصير في دم قبل الانتخابات ونقطع الإنتخابات عا خير بس الإثنين إلنا معن غير حديث". للإستماع الى ما جاء على لسانه بصوته 
لم ننشر التسجيل الصوتي قبل الانتخابات الطالبية حتى لا يتهمنا أحد بأننا نهدف الى استعماله لتأمين تعاطف انتخابي لسنا بحاجة إليه. انتظرنا انتهاء الانتخابات التي انتصرنا فيها بنتيجة ساحقة، ولكننا لن نقبل بعد اليوم أن يتم استعمال الجيش اللبناني أو أي مؤسسة أمنية أخرى للتدخل في الحياة العامة والشأن العام. عصر النظام الأمني انتهى ولن نسمح بعودته.
والمطلوب اليوم بشكل واضح إجراء تحقيق شفاف مع صاحب التسجيل الصوتي، لمعرفة من هم الضباط الذين يستقوي بهم واتخاذ كل الإجراءات المطلوبة لوضع حدّ لمثل هذه التجاوزات.
ونعد الجميع بأننا لن نسكت بعد اليوم، وخصوصا أن التهديد لم يبق كلاما في الهواء لأن اللبنانيين شاهدوا بأم العين كيف تصرّف ضباط الجيش وعناصره خارج حرم الجامعة مع الطلاب الفائزين حين حاولوا الاحتفال بإطلاق مفرقعات نارية.