شـو اشـتقت إني قلّك: يا إمـي
وإنتِ وين ما كنتِ بتسـمعيني…
بـس بحلقي عم تعلق الكلمي
وإتنهد آه بنغمي حزيني
..
. وإبقى ملبّك وضايع بهمّي
وتصيري يا سـنين العمر سـنيني…
إتذكر كيف كنتِ تبقي تضمّي
بلهفي، بـشوق، بحُب وتغمريني…
آخ يامّي وحسِّـك عم تشـمّي
شـعري وشـفافك تبوس جبيني…
بحبّك يا إبني وإسـمي تسـمّي
وحِـسّ عيونِك عم تعشـق عيوني…
وخصل شـعري بصبيعِك تجمّي
وبخدودي بنعومي بتقرصيني.
. وعند ضعفي أوجاعي تلمّي،
تسـهري جنبي وتحسّـسيني
كَـإنّا هالدني مـش مُهِمّي
ما هَمِّكْ ولا بوَجع تهتمّي
المُهم بهالدني تسـعديني