ما شاف ولا سمع !

ما شاف العماد ميشال عون عناصر فيلق القدس ولا سمع بالجعفري، العمر إلو حق. وعون من هواة انتظار التحقيق ببعض القضايا المحرجة له وهو يتهم ويحاكم وينفذ حكم الإعدام في القضايا التي تناسبه.

– ما شاف الجنرال عناصر فيلق القدس، بس شاف عناصر القاعدة .
– ما شاف الجنرال إنّو ميشال سماحة جاب متفجرات، بس شاف إنّو جميل السيد ما كان معو خبر.
– ما شاف الجنرال السرقات في وزارات حلفائه، بس شاف الهدر في وزارات الخصوم.
– ما شاف الجنرال مستوى الكهرباء المنهار، بس شاف صهرو عم يسهر الليالي لوضع الدراسات.
– ما شاف الجنرال فقدان بطاقات كلام من الأسواق، بس شاف عبد المنعم يوسف عم يعرقل.
– ما شاف الجنرال وضع السياحة المخزي، بس شاف النازحين السوريين سياح.
– ما شاف الجنرال إنو في شي بسوريا، بس شاف إنو في تهريب سلاح على سوريا>

يا جنرال أنا برأيي مشكلتك إنو صار لازم تغيّر دكتور العيون !!!