قصيدة موجهة الى قائد القوات اللبنانية – عربون تقدير و احترام (بقلم الشاعر خليل طوبيا)
يا كاس الوفا عا مذبح القربان يا سنابل حق عا بيدر الايمان
بدك تضل بوجه السما صورة و حصرمة بعيون كل خوان
صورة و بالافكار محفورة متل الارز خالد مدى الازمان
قديش كرمالك وفوا نذورا انت الكرامة و عزة الانسان
ياما بهالكون حلق نسورا ما بقي غيرك في سما لبنان
جحافل عمالة تنفخ صدورا حقد و كفر بالجرم مسرورا
باسم الرذيلة بتدعي الحرمان
بقيت بشري منبع للكرامي ام البطولة تمجد الارزات
بارضها خلقت يا نسر و حمامي بايدك رمح بفكرك الوردات
غصن زيتون جايي بالعلالي ترجع امل مفقود للامات
واجهت الكفر بفكر سامي بحكمة حكيم تخفف الويلات
مشينا معك ما لحقنا اسامي عدرب الحق نواجه الحزات
جانا الحقد جانا بفكر دامي حملنا الصليب و لقينا الملامي
بقينا هون و بقيت القوات
الشاعر خليل طوبيا
يا شعبنا ما بين فيق وفوق اختار بين درب الحقّ والملووق
لا تكون مستزلم لأعدا بلادنا توقّى ضميرك يندهك محقوق
خلّي الكرامة تضلّ فخر ولادنا وخاماتهن تعلى عكل مخلوق
حتىّ الإيمان يكون وحدو زادنا صلّوا لكلّ النّاس عنّا تروق
عن الجيران ما مّيزنا و زادنا إلاّ وطن شعبو في عندو حقوق
قاومنا الجحيم دهور في أجسادنا بالفكر بالإيمان نرجّع المسروق
نحافظ عكـنـز الـورّتـونـا جدادنا يبقى الوطن حتّى و لو محروق
لا تغـفـلوا عن كـلّ يلّـي فـادنا فـادنـا بـلـبـنـان اسـتـشـهـادنـا
زوروا الشّهـادة قـدّسـوا بـمـيـفـوق
نفحة مجد أبطالنا اللّي تغّيبوا بدعايات الزّور ما بيتعّيبوا
جدودنا أحرار عاشوا بها الجبال تا ينصبوا الأشجار صخورا ذوّبوا
معول و رفش و كرّت الأجيال روس الغزاة الهاجموهن شيّبوا
من الجرد للبحر بيخلقوا أشبال أبطال المواقف و لا مرّة تقلّبوا
إلا الوطن ما في إلن رسمال بعروقهن لبنان لا تتعجّبوا
بكفر و حقد ما همّ شو ما نقال عفروهن كلاب الزّمان و نيّبوا
من الأزل خلقوا و بيضلّوا رجال بيدافعوا عن حقّ ما بيتهيّبوا
مهما عليهن قلبت الأحوال بإيمانهن بيرحّلوا الأهوال
منبع قداسة و بعد رح يتربّبوا
الشاعر خليل طوبيا