1 ـ الثوار والقرداحة
عالقرداحة ..القرداحة..
الثورة حتوصلها سباحة
ما كملت فرحت بشار
بحمص وأهوال الدمار
وطار حلم الانتشار
لمن فزّوا هالثوار
عضياع المعو سلاحا…
2 ـ الروزانا والعربان
وعالروزانا يا عربان..
الناقة والهجن وخِرفان
واحد نايم مو دريان
والتاني إبنو ورتان
وتالت يتصيد غزلان
ورابع بيعز النسوان
وخامس قلبو عالغلمان
وعاشر ينده يا حميدان
يا ولدي صبّح تخمان
والرعية جوعانا…وعالروزانا
3 ـ الدلعونا والإخوان
وعالدلعونا الأميركان
تولّع قلبن بالإخوان
«الجماعة» كلّن إيمان
وما بيعترفوا بالأوطان
باعوا سينا لإسرائيل
والسولار لحماس
والشعب المصري ولعان
ما بيلحق يروّح عشقان
حتى يجيهن ولهان
تاري بعُرْف الأميركان
بيع الأرض والأوطان «ديموقراطية» أوباما!!
4 ـ حزب الله والكبتاغون
ويا حيف وحيف ويا حيف
علبنان وأهل الكيف
«الحشيشة» و»الكبتاغون»
صارت أحلى تجارة
تجارة مباركها الدين
وفتاوى مية وستين
هيدا مال الطاهرين
وعالبلد بتوقف الخسارة.