في مقابلة مع موقع “العهد” التابع لـ”حزب الله” قال الفنان زياد الرحباني ان والدته فيروز “تحب حزب الله وحسن نصرالله كثيراً”.بعيداً عن تأكيد ما نقله زياد عن والدته او نفيه او عن رأي هذا وذاك برأي فيروز أو رأي زياد عن رأي فيروز… نورد مفهوم حسن نصرالله وحزبه وعقيدته عن المسرح والغناء والمهرجانات، والتي تشكل فيروز برسالتها الفنيّة ومسيرتها
يحرّم حسن نصرالله الغناء والموسيقى بشكل عام كونهما جزءا من حالة تمييع الأمة وفسقاً وفجوراً:
حرفياً:
– يقال ان الاستماع للأغاني الثورية غير حرام؟
حسن نصرالله: “الاستماع الى الأغاني حرام لأن الأغاني هي جزء من حالة تمييع الأمة، تمييع الأمة، الله مخطّط لمجمتع مش مائع هؤلاء تبع الديسكو وتبع جون ترافولتا وما بعرف شو بعد شوي بتشوفو مخلوَع يعني تسريحة شعرو ومشيتو لبسو ومشيتو بالشارع وقعدتو وأكلو وحكيو يتأثّر كلّو ..هذا الحالة تؤدي الى الميوعة فالله سبحانه وتعالى حرّم الغناء من أجل أن يحفظ شخصية متزّنة للإنسان شخصية معقولة للإنسان.
هلق نعم في نوع من الأناشيد الثورية فيها حلال لأنها لا تميّع الانسان لكن هناك نوعين من الأناشيد الثورية مرّة بتجيب انت شو أسمو هيدا الشيخ إمام ..جابوه بالزمان وقتها جابوه مثلاً وإجا جايب معو عود وقام يدق لشو للمقاومة الوطنية في الجنوب!
طيّب شو الفرق بين هالغنيّة وأي غنيّة تانية… كل ما هنالك بدل ما يقول مثلاً: يحكي مع الحبيب بيحكي مع الجنوب ما في فرق بس من حيث الأسلوب والصياغة والروحيّة واحدة! هذا حرام. يعني ما بتصرش الغنيّة ثوريّة انو يصير فيها الله ومحمد واسلام ومقاومة وجنوب واسرائيل، ما بتصرش أغنيّة.
حتى الأشرطة المتداولة يعني بعض الأخوة بتحط الشريط هيدا شو؟ بقلّك هيدا إيراني حلال مين قلّك حلال؟ومن قال إن كل شريط إيراني حلال؟ما أصلاً في بإيران متل ما في بلبنان يعني في أربعة خمسة بجيبوا آلات موسيقية ويعملوا اناشيد ويعملوا كاسيت وببيعوا بالسوق بايران… فليس شرطاً ان يكون كل نشيد إيراني حلال!
طيّب حتى لو كان حلال انت بالحقيقة عم تتسمّع عالموسيقى ما عم تتسمّع على الشخص لأنّوا إذا جبت النشيد الإيراني وانا قلتلّك ترجملي ياه… ولا كلمة بتعرف تترجم… إلا إذا مارقتلها شي كلمة بالأصل هي عربيّة!
على هذا الأساس ما هو متداول من الأناشيد يبقى ينطبق عليها قاعدة واحدة : لو أجتنا نشيدة او أغنية فيها الله ومحمد وإسلام وجنوب ولكن وجدناها كالمتداول عند أهل الفسق والفجور وتوجب الطرب فهي حرام فالمقياس هو أي اغنية مع غضّ النظر عن مضمونها الثقافي والفكري والسياسي، الأغنية التي توجب الطرب وتكون روحها متعارفاً عند اهل الفسق فهي حرام”.