“حرّاس الختم”!

٤٠٠٠ و١٠٠ يوم وجمعتين

شو غيّروا بوجّ الوطن عالميلتين!

كلما مضي ليلين بالحبس الكبير

يضوي الحبس الزغير عتم الليلتين

ظلم الآلام مخيّم… وخيمة حصير

سعر الكرامة موت جايي مرّتين

مرّة ألف يوضاس هربوا من القفير

ومرّة القفير بينصلب للدنْيَتين!

ليل وظلام وعصف ريح وزمهرير

طير الفينيق مقرّم عْلى ريشتين

ما ضلّ غيرن: طاقتين لهل الفقير!

طاقة سمير وطاقة ل حبست سمير

والنور طالع شقّ صدر الطاقتين

ختموا القضيي؟! لأ!… ما بتعرف ختم!

طالع النور ل كسّر سكوت العتم!

غطّى عيونوا من الوهج، بوم الغريب

سلحب ع رفّة من السكوت من الكتم…

تجار هيكل هرهروا… مْصابن عصيب

صاروا يتامى وأيش أمضى من اليُتم؟

كلما النسر صوب القصر صفّى قريب

بيت “الوحش” شو شوّبوا وعِلْقوا شتم

ختموا القضيي؟! لأ!… لبنان الحبيب:

ختم القضيي هْلال تاكي عالصليب

وجيش النسر مندور: “حرّاس الختم”!