بالفيديو: “درب الشهادة منتبعو…” (كلمات الشاعر حبيب أبو أنطون – مونتاج جوني الزغبي)

ككل عام في أيلول الشهداء، تقدم “القوات اللبنانية” نشيداً جديداً عربون وفاء لشهداء المقاومة اللبنانية، والنشيد للعام 2014 بعنوان “درب الشهادة منتبعو…” من كلمات الشاعر حبيب أبو أنطون.

 

 

“درب الشهادة منتبعو…”

 

لبنان يا مراية هدى             وسّع لنا ساحاتنا

وعّي من تراب الفدى           لي ستشهدوا بقواتنا

 

لبنان بخورك عبق               فيك الرفاق ترافقوا

رجالك ما تعبوا من السبق      عالموت عم يتسابقوا

يا جرح لا تخاف الألم          علّي البيارق على القمم

والدم أحمر على العلم           سيّج مجد أرزاتنا

 

لبنان يا مراية هدى               وسّع لنا ساحاتنا

وعّي من تراب الفدى             لي ستشهدوا بقواتنا

 

فينا الكرامة بتبتدي               درب الشهادة منتبعو

كل ما الغريب بيعتدي            كنا على أرضو نرجعو

للموت ما ممنصرخ كفى         والجرح فينا ما انطفى

لا بيخصلوا رجال الوفا          لا بيخلصوا دماتنا

 

لبنان يا مراية هدى               وسّع لنا ساحاتنا

وعّي من تراب الفدى             لي ستشهدوا بقواتنا

للاستماع الى “درب الشهادة منتبعو…” 

المصدر:
فريق موقع القوات اللبنانية

خبر عاجل