منطقة الزعيتريه على كتف بيروت بالفنار. ملعب حر لتجار المخدرات وملجأ لأكتر من 50 مطلوب للعدالة بحسب مصارد أمنية. آخر مرة داهمت القوى الأمنية المنطقة استمرت الأشتباكات لسبع ساعات وأدت الى مقتل أحد أخطر التجار المعروف بمراد زعيتر. انسحبت من بعدها العناصر الأمنية وتراجعت المنطقة من السيء للأسواء. الجهات الأمنية رفضت الظهور أمام الكاميرا وأكدت أنو الدولة على علم تام بوضع الزعيتريه…
هالصور يلي حصلنا علين مش من فيلم مافيا. الصور لناس ساكنين بالزعيتريه بالفنار وعم يتجولو بالمنطقة بهل شكل أما عيون الكل. ومنن وطلاب كلية الاعلام البعيدة 400 متر عن الزعيتريه…
بالزعيتريه في ناس اذا فرحت بتقوص واذا زعلت بتقو واذا بدها تقوص بتقوص. لأنو ببساطة ما حدا بقلها شي. وشظايهن ما ترحم شي. حاولنا الاتصال بمختار المنطقة لكنوا كان خارج المنطقة. مسؤول حركة أمل بالمنطقة وباتصال مع الـmtv أكد أنو الحركة والحزب ما بغطوا اي مجرم واعتداء. وأشار أنو وضع المنطقة وصل لهون بسبب اهمال الدولة. رأي بخالفوا رئيس بلدية الفنار…
بالنهاية الحقيقة المرة هي أنو في أكتر من خمسين مطلوب بهالمنطقة عم يتحكموا بمصيرها وقرروا اليوم يبلشوا يوسعوا عملياتن كل هيدا أمام عيون الدولة والقوى الأمنية.