من ديوان صرخة وعي
بعد مرور أكثر من سنة وما تمّ انتخاب رئيس جمهورية للبنان
كفانا عذاب يا أهل السياسي بمشاريع المهازل والتعاسي
رح احكي بصراحه وصدق نيّه الحقيقة ملطّخة بدم المآسي
كفانا لتاجرو بالطائفيّه يحرقونا بقلب مجرم وقاسي
كفى أهل الطمع والعنجهيّه يتحفونا بشرح علم الفراسي
كفى نعبد شياطين الخطيّه لصبّو السمّ بكاسك وكاسي
كفى لعملو الوطن سلعه ومطيّه نعطيهم ثقه و العقل ناسي
كفى اللي تضحّكو عليك وعليي نمجدّهم بتقدير وحماسي
كفى للكذب نتقدّم هديّه رفض تابوتنا كذب المراسي
كفى المجرم يتاجر بالضحيّه ويحرم شعب من حقّو الأساسي
كفى لبنان جنّه سرمديّه يحكموها لتحت حكم الشماسي
*****
يا لبنان الحضاره العالميّه إسمك تاج يا بلادي ع راسي…
كتبت شعري حقايق جوهريّه تا إمحي كل شكّي وإلتباسي
رئاسة مجلس النوّاب هيّ عند أهل الوطن درّه وماسي
وللحكومه رئاسه تاريخيّه بدستور. وميثاق. بلا حراسي
وراس لبنان. مركز جمهوريّه ثلاث مراكز فخر ناسك وناسي
إلها سنين بالصبح وعشيّه الضرب ع الراس حتّى يصير راسي
يا أحرار الديانات العليّه بقياده طاهره ونور وقداسي
الأمل إنتو بجمع وحده قويّه اطلقو صوت الحقيقة من الخساسي
وعبعبدا اطلعو وحلّو القضيّه عالكراسي قعدو مطرح الساسي
تا ينتخبو الكرسي الوطنيّه بدمقراطيّة الحقّ. بشراسي…
هي كرسة وطننا الأوليّه لشعب لبناننا داني. وقاسي
هي روعة الشرق المزهريّه صار إلها سنة بسوق النخاسي
وإذا خسرنا الكرسي المسيحيّه مسيح الكون غاضب مع محمد
بكل الشرق ما يخلّو كراسي