بالصور: “من كتر الشوب”… تعليقات ساخرة

حاول اللبنانيون أن يخففوا من حرارة الطقس التي لامست الـ50 درجة مئوية خلال اليومين الأخيرين بخفّة ظلّهم. كالعادة فقد برزت التعليقات اللبنانية الساخرة على مواقع التواصل الاجتماعي حول الطقس “الناري”، وبدأ الناشطون بتناقل صوَر وتعليقات ساخرة ومضحكة، ولامَ بعض الأشخاص الدولة على عدم إدراج أي مادّة في قانون السير الجديد، تُلزم سائق سيارة الإجرة أن يشغّل مكيّف الهواء في الطقس الحار، فيما رأى بعضهم الآخر أنّ عدم إنتخاب رئيس جمهورية سببه “كِتر الشوب”. ومن التعليقات الساخرة:

– معقول ما حطوا بقانون السير الجديد مادّة بتجبر شوفرية التكسي يدوّرولنا المكيّف! شو هالدولة اللي بتطنّش هيك شي مهم! رح نولع!

– من كتر الشوب بتحس إنو الشمس طالعة علينا هيي وولادها …

– تحية من قلبو لقلبي لكل حدا ماصوّر درجة الحرارة وزرعها هون وهون.

– بهيك طقس ركز على “ريحتك ” و انسى ثقافتك – شحرور للعطورات.

– الربيع الفائت، كنا بالإمارات وقال شو بلش الشوب ونقول الله يعينهم كيف عايشين بهالطقس ما في احلى من لبنان. واذ الفرق انه هونيك التكييف والكهربا 24/24 وعنّا أدوات التكييف من مكيفات ومراوح لولا الـ4 ساعات استخدام كنا بنحطهم بالمتحف.

نيال اللي عنده مرقد عنزة ب ‫#‏دبي‬ ‫#‏ابو_ظبي‬ ‫#‏عجمان‬ … واي بلد بيحترم نفسه وشعبه.

– الأجمل من هذا كله، أني لا أخرج من الغرفة، اتكور في السرير، أغلق النوافذ ولا يتسلل اليّ شيء من هذا الحر.

– هذه ليست جِدّة، هُنا بيروت!

كما ظهر على “تويتر” هاشتاغ #من_كتر_الشوب، التي أرفقها المغرّدون بصوَر وتعليقات ساخرة:

– ما خليت نوع بوظة ما أكلته #من_كتر_الشوب.

– ما عم يتفقوا ع رئيس للجمهورية #من_كتر_الشوب.

– #من_كتر_الشوب ..ما النا أجمل من بحرك يا لبنان.