بعد أن علقت الزميلة في قناة “الجديد” نوال بري على قيام شباب مؤيدين لرئيس مجلس النواب نبيه بري بالتعرض للمعتصمين من شباب الحراك المدني، ثم غردت بعد نشر الخبر ان “بري منو بحاجة الي لنجدتو ابدا.. انا كنت عم بحكي واقع.. انو اليوم في شارع مقابل ما رح يقبل ينسب زعيمو..”، اوضحت بري بعيداً عن المجاملات والتكاذب موقفها بنشر الآتي عبر صفحتها على Facebook:
“كرمال ما نطول سيرة.. رح اختصرا على كل يلي عم يسأل ويتسآل.. في مثل بيقول “من نكر اصله لا اصل له”.. انا ربيت بضيعة اسما تبنين وبحارة اسما حارة آل بري.. وبين عيلة كبيرة بتوقف حد بعضا بالفرح والحزن وكلنا ربينا كولاد عم.. وبيي علمنا من اول ما خلقنا انو في زلمي اسمو نبيه بري هيدا كبير العيلة وهيدا يلي رافع راسنا.. وفي عنا بالحارة شخص هو الحاج عبدالله زاد محبتا فيه للرئيس لان شفنا نعم التربية والاخلاق ولان حج عبدالله كان وبعدو واقف حد العيلة بالصغيرة والكبيرة وبيو وراه.. ما رح اجي اليوم بيع مواقف يمين شمال لتقولوا عني موضوعية.. رح يضل الرئيس كبير عيلتنا.. ورح ضل انزل اعتصم بالحراك الشعبي لطالب بحقوقي كمواطنة.. فيك ما تحبو وتنزل وفيي ضل محترمتو وانزل طالب معك بحقوقنا المشتركة.. ورح ضل موضوعية اكيد بشغلي لان انا بفضل اي موضوع خصو بالعيلة ما اشتغل عليه.. في غيري مراسلين كتير.. بعتقد وضحت الصورة..”.