رئيس دائرة الشمال إلى عريس السما شربل العضيمي: رح نشتقلك كتير

عقب جنازة الرفيق شربل العضيمي كانت كلمة لرئيس كلمة توديعية دائرة الشمال غبريال سعد، توجه فيها إلى عريس السما شربل.

جاء في الكلمة:

رفيقي شربل، متل ما كنت حارس لإلنا على الأرض اليوم صرت حارس لإلنا بالسما، الكلمات ما بتوصف حجم نضالك ولا بتوفي جزء من الجهد يلي كنت تعطي لكل خليه بالشمال، من نائب رئيس بخلية “NDU” – برسا إلى مسؤول طلاب برسا إلى مسؤول عن مكتب التنظيم بدائرة الشمال، مسيرة كتير طويلة من النضال عملتا بوقت قصير، كأنك كنت عارف إنو رح تتركنا هلقد بكير.

رفيقي شربل، إنت أهم مثال للقوة والإيمان والإلتزام، ونحنا وعدنا الك  إنو رح نضل اوفياء للقضية يلي إنت امنت فيا وضليتك تناضل لأخر دقيقة من حياتك كرمالا  بس كون أكيد إنو رح نشتقلك كتير، الساحات رح تشتقلك كتير يا بطل القوات.

نحنا منعرف اليوم انك بمحل أحلى بكتير، حد السيد المسيح، إنت اليوم هدية بعيد الميلاد ليسوع  صليلنا من عندك.

إنت رح تبقى حي فينا وبقلوب كل رفاقك بدائرة الشمال يا بطل يا إبن البطل والبطل مابموت، سلم على شهدائنا وسلم على شيخ بشير والله يرحمك.

المصدر:
فريق موقع القوات اللبنانية

خبر عاجل