من سبعين سنة ولد بلبنان شي اسمو القضاء العسكري، ومن سبعين سنة لليوم عرف هالقضاء بكثرة أخطاؤ لي بلغت ذروتها بالتحكم بأرقاب الناس بمرحلة الاحتلال السوري.
اكتر ناس عانوا من هالقضاء هني القوات اللبنانية تحديدا، بعدن لليوم الشباب ما نسيوا التهم يللي لفقها هالقضاء بحقن وبتهمة جاهزة معلبة وهي “تهديد الامن القومي” وبعدن لهلا عشرات الشباب يللي راحوا ع الغربة عم يعانوا ت يقدروا يتخلصوا من الاحكام ويرجعوا ع بلادن من دون خطر التعرض الن من محكمة عسكرية صارت بحكم الملغى بسجلات الدول المتحضرة بوقت بعدها بلبنان اقوى من الانسان ومن حقوقو المدنية…