كتب الرفيق زياد شيت ديراني عبر صفحته على “فيسبوك”:
الى روح أخي الشهيد رشاد هاني شيت ديراني الذي استشهد في دير اﻻحمر في الرابع عشر من كانون الثاني سنة الستة وسبعبن.
انشقف قلبي شقفتين
وانطفا نور العينين
لمّن غبت يا خيّي
الدني صارت دِنيتَين
كِنَّا واحد صرنا تنين
الصدر انشلع ع الميلين
غيابك شو عِمِل فِيّي
بدل واحد إخدوا تنين
لمّن حَزِّت الحزّات
الدير سقيتا بالدمّات
وقلتلّا انتي عطيتيني
وما بتغلا عليكي النبضات
انت وماشي ع الطرقات
تحمي شويّة بنيّات
بجسمك خدت الشظيّة
تَ ما تُوصل ع الارزات
قدّيش قِلتلّك ما تروح
وتتركني يا توأم الروح
رحت وما سألت عني
وع غيابك بعدني مجروح
وبقيت وحدك مطروح
تركوك بعذابك مشلوح
وآخر دمّاتك تصَفّي
وتغيب قبل طلوع الروح
فيك بفتخر يا شهيد
ندَرِت عن دربك ما بحيد
وتَ يضلّ حيّ دمّك ودمّي
عَ نُدري بأكّد وبعيد
للوطن صرت شهيد
وبقلبي الغصّات تزيد
والدمع حَفَر ع خدودي
وحزني من أوّل وجديد
خيّك بيّك والاجداد
تاريخنا بدّو ينعاد
بدهب اسمك متجلّي
بتلبقلك كل الامجاد
القراب حكيوا والبعاد
وع مجدك مجد ينزاد
اسمك محفور بقلبي
والقلب ينبض رشاد