شو عم بيصير على شط كفرعبيدا؟ هون عند هالسنسول بتتوزع ثروة مائية بيئية نادرة على شط المتوسط، صخور نادرة ومغاور رائعة الجمال مشرورة بين هالصخور وتحت المي وكل مغارة بتفتح عن مغارة تانية، وكهوف غميقة تحت المي الصافية الشفافة لـ بتشكل اهم مطرح لتزاوج وتكاثر السمك، صخور ومغاور مرسومة بريشة ربنا من الاف السنين بقيت الوحيدة الصامدة بوج همجية البشر وطمعن رغم اجتياح المشاريع السكنية والسياحية للاملاك البحرية بكل شواطىء لبنان، ولان لبنان صار بلد داشر محكوم بالفوضى وبقوانين الغاب وبمصالح سياسيين بيعيشوا ت ينهبوا مصالح بلادن، امتدت ايد الغدر على هالشاطىء حتى تصادر كل هالممتلكات الممتدة على مساحة 37 الف متر مربع عبر شركة خاصة بهدف انشاء مشروع سياحي ضخم ، وتصادر هالثروة المائية النادرة، وبوقت فوجئوا الاهالي بموافقة بلدية كفرعبيدا على المشروع بحجة انماء الضيعة، قامت قيامة الاهالي لـ اعتبروا انو هالمشروع مدمر لبئيتن ولمصالحن…
إعداد فيرا بو منصف – مونتاج جوني الزغبي