اعتبرت الأمينة العامة لحزب “القوات اللبنانية” شانتال سركيس ان الشعبوية “موضة دارجة”، لكن المهم هو ان “الناس الواعية” لا تقع تحت تأثيرها.
وأضافت في كلمة نشرتها عبر صفحتها الرسمية على موقع “facebook، “نحن كقوات لبنانية معروفين اننا حزب الطبقة المتوسطة والفقيرة، وبكل فخر”.
وتابعت: “نحن مش ممكن نعمل اي سياسة ضريبية ضد حالنا، ميشان هيك دافعنا عن إقرار السلسلة وطالبنا بوضعها ضمن الموازنة بوقت كتار كانوا ضد، وبذات الوقت، طالبنا بخطوات اصلاحية لتغطية نفقات السلسلة، منها الشراكة مع القطاع الخاص في الكهرباء، مكافحة التهرب الضريبي على كبار المكلفين، زيادة ساعات العمل للتخفيف من الovertime، فرض ضريبة على أرباح المصارف…. كل هيدي إصلاحات عم نطالب فيها وعنا وعد من رئيس الحكومة ووزير الطاقة بوضع خطة الكهربا على طاولة مجلس الوزراء خلال عشر ايّام، وزيادة ساعات العمل أقرّت وبقية الإصلاحات على طريق الإقرار، وهون نحن بحاجة لدعمكم”.
وأردفت: “يللي بيصدم انو يللي عم يعترضوا اليوم بدهم السلسلة وما عندهم اي طرح عملي جدي لتغطية نفقاتها”.
الحلول الإصلاحية العملية والواقعية هي يللي بتعمر بلد وبتنصف الفقير وبتوقف الهدر، الشعبوية ما بتعمر بلد، ومفعولها قصير مش رح يضاين للانتخابات”.