بالفيديو – واكيم: بيروت لا تريد “طرش حيطان” والتحالف مع قتلة البشير!

أشار مرشح “القوات اللبنانية” عن المقعد الأورثوذكسي في دائرة بيروت الاولى المهندس عماد واكيم الى التضامن والتكاتف من ساسين والسيدة وحي السريان والأشرفية والرميل والمدور لإعادة بيروت “أولى”.

وخلال إعلان لائحة “بيروت الأولى” المدعومة من حزب “القوات اللبنانية” و”الكتائب” والوزير ميشال فرعون وحزب الرمغافار والمستقلين، أكد واكيم ان بيروت لا تريد “بيع خضرة وطرش حيطان” قبل الإنتخابات، وبالمقابل ترطيب التحالف مع من قتل حلم اللبنانيين الرئيس الشهيد بشير الجميل.

وتوجه واكيم الى البيروتيين داعيًا إياهم الى التضامن سويا لإعادة دور بيروت وقوة المقاعد وتأثيرها.

كلمة واكيم كاملة:

من ساسين،
من السيدة،
من كرم الزيتون،
من البدوي،
من مار مخايل والصيفي،
من المرفأ،
من الرميل،
من فسوح،
من الجعيتاوي والحكمة،
من سرسق والتباريز،
من مار متر والحوش،
من البرجاوي،
من حي السريان،
من السيوفي،
من الاشرفية
من المدور
من الرميل
من الصيفي
سوا بدنا نرجع بيروت اولى!

مش بالصدفة اجتمعنا ولا عا مصلحة التقينا؛
عم نجتمع اليوم لايحة واحدة؛ قلب واحد؛ خط واحد؛ لايحة بيروت الاولى
اللي معكم وبدعمكم وبصوتكم بدّا ترد بيروت اولى!

نحنا اليوم مع الناس اللي بتشبهنا؛
بتعرفونا ومنعرفكم وبكل محطة كنّا فيها سوا
نحنا ولاد هالمنطقة
بالقضية ربينا
وبالنضال تأسسنا
ومن الاشرفية بدايتنا
وبكل يوم وبكل ساعة نحنا حدكم لانو انتو مشروعنا!

عم نترشح تحت اسم اللائحة الاولى وراسنا مرفوع؛
لأنو اللي بدو يمثل بيروت الاولى بدو يكون عا قد تاريخا ويحترملا خطا…
بيروت الاولى ما بدّا مين يبيع خضرا ويطرش حيطان قبل الانتخابات
اذا كان مقابل هالشي عم نركّب حلف مع يلّي قتللنا حلمنا وقائدنا بشير الجميل
والأشرفية ما بدّا مين يصرَّح هو وقاعد بمكتبو انو دمو عا كفو… لانو وقت الجدّ صديقنا رح يبقى بمكتبو او بمكتب اللي رشحو، ونحنا اللي رح نكون:
لانو هيك كنّا وهيك منبقى!

هيدي منطقتنا اللي منحبا؛
وكرمال هيك بدنا نردا… اولى!

حملنا بال٢٠٠٩ شعار 5-0 وحققنا هالنتيجة سوا
واليوم عم نرفع اسمنا اللائحة الاولى لانو سوا
أيد بايد
وبصوت كل واحد منا
بدنا نرجّع بيروت اولى!

بيروت الاولى صار بدّا تكون مشاركة أساسية بصناعة القرار
والمقعد الارثوذكسي بالاشرفية مش مسموح بعد اليوم يكون مفرّغ من مضمونو
هالمقعد صار بدو يستعيد قوتو وتاثيرو…
وسوا بدنا نرجعو!

حاملين مشروع كبير للمنطقة قادر يريّحنا ويسهّلنا حياتنا اليومية ويحافظ عا طابع منطقتنا ويطوّرا…
وهالمشروع رح منسخّرلو كلّ طاقاتنا تا ننفذو.
مشروعنا مش حلم…
هو مجموعة حلول صغيرة بتغيّر كلّ الصورة
وهالحلول بدّنا نشتغل عليا وننفذا تا ما نسمح بعد اليوم لايّ كان يربّحنا جميلة انو عم يخدمنا!

بيروت الاولى هي البداية
بداية مشروع الدولة اللي بدنا ياها،
وهيك رح تبقى..

سوا قادرين نعمل كلّ الفرق
أيد بايد بدنا نرجّع بيروت… اولى
كرمالكم وكرمال عيلتكم… وكرمال عيلتنا
بيروت بصوتك… اولى!

المصدر:
فريق موقع القوات اللبنانية

خبر عاجل