أكد مرشح “القوات اللبنانية” عن مقعد الأقليات في بيروت الأولى رياض عاقل أن لولا الشهداء ما كان هناك لبنان، وقال: “حتى نحافظ على لبنان الـ10452 كلم2 يجب ان نصوت للوائح الشرف في كل لبنان، ولائحة الشرف هنا هي لائحة “بيروت الأولى”…
عاقل وخلال مهرجان إنتخابي للائحة “بيروت الأولى”، تابع: ” حتى نحافظ على لبنان الكرامة، لبنان الدولة، صوتوا للائحة ثورة الأرز”.
وما يلي الكلمة التي ألقاها عاقل كاملة:
مسا الخير
الاشرفية والمدور والصيفي برحبوا فيكم بقلب منطقة الرميل
رميل البطولة والعنفوان
رميل الشهدا يلي لولاهم و لولا شهدا بيروت وكل شهدا المقاومة الحقيقية
ما كان في بلد اليوم
وحتى نحافظ على لبنان الـ10452
لازم نصوت للوايح الشرف بكل لبنان
وهون بالتحديد بالعاصمة بيروت
منطقة البشير
لايحة الشرف هي اللايحة يلي بتضم كل مكونات ثورة الارز
اللايحة يلي بتضم الوزير ميشال فرعون والشيخ نديم والجنرال جان طالوزيان والست كارول بابيكيان وحزب الرامغافار الممثل بالدكتور افيديس والست الينا
واكيد اكيد اكيد
القوات اللبنانية
القوات اللبنانية يلي ما بخلت بالتضحيات ولا نهار بالايام الصعبة
وبقيت حاملة مشعل الحريات ليومنا الحاضر
القوات اللبنانية الممثلة اليوم بمرشحين
الرفيق عماد واكيم والرفيق محسوبكم يلي بعدهم بهالدولة بيحسبوا اقليات
بالنهاية حتى نحافظ على لبنان دولة وما نخلي يصير دويلة
صوت للايحة ثورة الارز
صوت للايحة بيروت الاولى
بالفيديو: كلمة مرشح “القوات اللبنانية” رياض عاقل خلال مهرجان إنتخابي للائحة “بيروت الأولى”