إعتبر القيادي في حزب “القوات اللبنانيّة” رياض عاقل ان موضوع التجنيس موضوع بهمه كثيرًا كونه سرياني. متوجهًا إلى المسؤولين بـ”التيار الوطني الحرّ” مطالبًا بتجنيس المستحقين لأنهم أولويّة والمطلوب منهم إدراج أسماء هؤلاء الأشخاص فورًا على المرسوم السيء الذكر.
وقال: “في كتير من ولاد طايفتنا و الطوائف الآشورية و الكلدانية و غيرها من طوائف الما يسمّى أقليات بيعتبروا لبنان هو بلدهم الوحيد و أصلاً ما عندهم غيره، إنما لسوء الحظ و لعدة أسباب هول الأشخاص ما معهم الجنسية اللبنانية، و ما أدراك شو يعني تعيش بلبنان و ما يكون معك جنسيته خاصة اذا ما معك جنسية ثانية و خود على بهدلة ما إلها مثيل و على تجديد إقامة كل سنة (اذا قدرت أصلاً تحصل على إقامة) و إذن عمل حتى تقدر تشتغل حتى تعيّش عيلتك و ولادك بيتبهدلوا بمدارسهم و الخ… يلّي بياكل العصي مش متل يلّي بعدّها و كيف بالحري اذا كتير من هالأشخاص و عائلاتهم كانوا من الأبطال المقاومين يلّي دافعوا بكل قناعة عن وطن بيعتبروا وطنهم انما مسؤولي هالدولة مش قاريينهم و مش شايفين غير المصالح الشخصية و المالية حتى يجنّسوا الأشخاص يلّي ما بيستاهلوا أصلاً”.