الى منتقدي حاصباني: انتو بتعرفوا؟!

سؤال موجّه للجهلاء اللي عم ينتقدوا اللي تفضل وصرّح فيه دولة الرئيس غسان حاصباني بمؤتمره الصحافي الآخير:

-إنتو بتعرفوا إنو بفرنسا بيفرض القانون على الطبيب يوصف للمريض الدواء الأصلي ومعو الـGénérique بنفس الوصفة تا يترك للمريض حرية الإختيار بحسب وضعه المادي؟

-إنتو بتعرفوا إنو الدواء المعروف بالـGénérique هوي مسموح فيه قانونًا بحسب التشريعات الصحيّة بلبنان وبالعالم ومنّو شي عيب؟؟

-إنتو بتعرفوا إنو بالدول اللي عم تقارنوا أسعار الأدوية فيها، الحكومة بتدعم الصناعات الوطنية وبتقدملها الطاقة والكهرباء ببلاش وبالتالي بتصير أسعار الأدوية أرخص؟؟

-إنتو بتعرفوا إنو موازنة وزارة الصحّة ما ببتعدّى الـ 2.64% من مجموع موازنة الدولة السنوية رغم مطالبتنا الحثيثة لرفعها تا نقدر ندعم السقوف المالية والقطاع الصحي بشكل عام؟؟

-إنتو بتعرفوا أو سامعين شي بمشروع #صحة_2025 اللي أطلقه دولة الرئيس حاصباني كأول مشروع صحي متكامل لتطوير القطاع الصحي بلبنان، وتم تنفيذ أكتر من 70% من المشروع وأصبح لبنان بالمرتبة الأولى بالخدمات الصحيّة بمنطقة الشرق الأوسط؟؟

-إنتو بتعرفوا إنو الثقة الدولية بالقوات اللبنانية وبدولة الرئيس حاصباني، أدخلت حوالي الـ 150 مليون دولار دعم من البنك الدولي لتطوير البنى التحتية للمستشفيات الحكومية؟؟

-إنتو بتعرفوا إنو مشروع #التغطيةالصحيةالشاملة اللي كان حلم كل لبناني، صار بمجلس النواب ورح ينطرح على اللجان النيابية المختصة لإقراره أخيرًا؟؟؟

أكيد ما بتعرفوا شي ولا بحياتكن رح تعرفوا غير الحقد الأعمى والمهاجمة وإطلاق الإشاعات المردودة عليكن لتغطّوا فشلكن وجهلكن..

بالنهاية هالنهج وهالنجاح اللي عملناه بسنة ونص، عجزتوا توصالوا لربعه من الـ2005 لهلأ.. فا استحوا على حالكن ووقفوا فجور وعهر سياسي لأن انكشفتوا..

#والسلام