بعد قطع وزارة الطاقة والمياه التيار الكهربائي عن فرن الفقراء في منطقة برج حمود التابع لجمعية سعادة السماء للأب مجدي العلاوي.
ناشد عضو تكتل الجمهورية القوية النائب شوقي الدكاش وزيرة الطاقة ندى البستاني التدخل بشكل مباشر لحل الموضوع، معتبراً أنه خطأ لا بد من العودة عنه.
وأضاف عبر “تويتر”، “نؤيدك في المساواة بين المواطنين امام القانون، لكن نسألك الا يتساوى الفقير اللبناني مع الفقير في المخيمات السورية والفلسطينية؟”. وسأل، “لماذا لا يدفع هؤلاء فواتير الكهرباء ولا يطبق عليهم القانون؟”.
وتابع، “معالي الوزيرة بمحبة وبعيدا عن السجالات اكتفي بما قاله الاب مجدي علاوي اما وقد ذكرت القرارات والوعود فنحن لنا في زوق مكايل تجارب غير مشجعة”.
من جهته، وجّه مؤسس جمعية سعادة السّماء الأب مجدي علّاوي صرخة باسم الفقراء بعدما تمّ قطع التّيار الكهربائي عن “فرن الفقراء” الذي يقدّم المناقيش للأطفال وكبار السّن الفقراء.
ونشر الأب علّاوي عبر “فيسبوك” صوراً تظهر بطاقة قطع الكهرباء، والمواد التي لم تعد صالحة للاستهلاك بسبب انقطاع التّيار الكهربائي، وأرفقها بمنشور قال فيه: “قطعولنا الكهربا بفرن الفقرا… قطعولنا الكهربا عن 600 ولد بيقصدوا الفرن تبعنا حتى ياكلو منقوشة الصبح لأنو ما معن ياكلو… قطعولنا الكهربا عن فرن بيطعمي 120 ختيار بدن ياخدوا الدوا… ومجبورين ياكلوا قبل الدوا… نعم، بدل ما هني يطعموا الفقرا… قطعولنا الكهربا…”.
وأضاف، “اعتبروا هالفرن ممتلكات خاصة لشي نايب أو وزير… اعتبروه حفلة خاصة… اعتبروه عرس من أعراسكن الفاخرة الفاحشة… اليوم قطعتوا الكهربا… وكل اغراضنا راحت للكَب… وأنا وعم كبُّن… عم فكر فيكن واحد واحد… عم فكر بفواتير الكهربا يلي بمناطق معينة ما بتندفع… عم فكر بولادي الواقفين ناطرين ياكلو عالباب…”.
وتابع: “نحنا بزمن الإقطاع… بزمن الفساد… بزمن الفجور السياسي… جايي يوم الدينونة والحساب… وهناك البكاء وصريف الأسنان… صدقوني… ولادي والختيارية عباب الفرن… مش قادر خبّرن إنو دولتي قطعت الكهربا… يا ويلكن من دعوة الفقير… يا ويلكن… وأحلى شي حاطين رقم تلفون وخط ساخن… عم ندق عليه ما حدا بيرد… أبدعتوا بالنفاق… أبدعتوا…”.
ولاحقاً، غرّدت وزير الطاقة والمياه ندى بستاني خوري عبر حسابها الخاص على “تويتر”، قائلة: “بعد متابعتي لموضوع انقطاع التيار الكهربائي عن جمعية سعادة السماء واتصالي بالأب مجدي علاوي، وإرسالي فريقاً من الفنيين للوقوف على حقيقة الواقع، تبيّن ان هناك فواتير غير مسددة، فوعد الأب علاوي بدفعها اليوم، يهمّني التأكيد ان المواطنين متساوون في الحقوق والواجبات”.
https://www.facebook.com/abounaMajdiAllawi/posts/2168024776630005