كلودين عون لوالدها: “علمتني انو حرية التعبير من الثوابت ما لازم نمسّ فيا”

توجهّت ابنة رئيس الجمهورية ميشال عون، رئيسة الهيئة الوطنية لشؤون المرأة اللبنانية، كلودين عون روكز، برسالة الى والدها عبر “انستغرام”.

وكتبت روكز: “وعّيتني عحب الوطن، قلتلي إنو كل شي ببلش بحلم، حلمت بلبنان سيّد، حرّ ومستقل وتحقق الحلم، وحلمت بلبنان التعايش والانفتاح والمحبة، زرعت فيّي التفكير الحرّ، ولا مرة ما سمعتني، ودايماً احترمتلّي رأيي، وشجعتني دافع عنو، علّمتني الصّدق، علّمتني كون سيّدة، حرّة ومستقلّة”.

وأضافت، ” علّمتني كون تيّار ووطنية وديمقراطية، واحترم رأي غيري، علّمتني إنو حرية المعتقد الديني والسياسي مقدّسة، وإنو فكر الإنسان حرّ بحلّق كيف ما بدّو وهو وحدو بيتحمل مسؤوليتو بالخطأ وبالصواب، وإنو حقّ الاختلاف وحرية التعبير هنّي ثوابت ما لازم نمسّ فيون تما نخسر الوطن”.

وتابعت، “علّمتني إنو سقف الحريّة هو الحقيقة، مش الشتيمة والأذى والكذب، علّمتني قول الحقيقة وبسّ الحقيقة، لأنا وحدا بتحرّرنا، بحبك لآخر الدني وبحبك لكل دقيقة عزّ وفخر عيّشتني ياها”.

ونشرت كلودين عون صورة تجمعها بعون.

https://www.instagram.com/p/B4FSRbiFzy9/?utm_source=ig_embed