توجهت ملكة الإحساس الفنانة إليسا، إلى أصحاب الآراء المضادّة للتظاهرات الشعبية في لبنان قائلة، “لكل هالناس عا مواقع التواصل الاجتماعي اللي نازلين تخوين وتهديد وتكذيب واتهامات ضد كل مين بدو يثور وينتفض. أولاً إذا إنتو بدكن دولة أول شي لازم تحترمو الرأي الآخر وما تسمحو بالاعتداء عليه”.
وأضافت عبر “تويتر” في سلسلة تغريدات، “تانياً، هالمطالب عند الناس ما بتعنيكن؟ إنتو جايي عندكن الكهربا، فيكن تفوّتو أهلكن عالمستشفى، بي ضاين معاشكن لآخر الشهر، ما بدكن محاسبة عالسرقات والنهب؟ شايفين الوضع كتير منيح تا معتبرين الحراك موجه ضدكن؟ إنتو محلكن معنا مش مع اللي عم تدافعو عنن”.
وقالت إليسا في تغريدة ثالثة: “ما شبعتو من الزبالة يللي ما انحلت من سنة وتنان وخمسة؟ ما شايفين في ولا مشكلة بهالبلد؟ ما بقا تكونو متل الغنم ماشيين ورا زعيم! وعو بقا!”.
وتابعت، “يا جماعة. شيلو كل الاعتبارات على جنب وتذكّرو بس إنو كلن رايحين اليوم أو بكرا أو اللي بعدو، ولبنان وحدو اللي باقي. وقفو مع لبنان ومع الشعب ومطالبو، ما تقبلو تكونو عم تحمو كراسيهن”.
وختمت، “وطبعاً لا حياة لمن تنادي!! الجهل اعمى”.