نادين نجيم تطالب بالإعتذار

​

لم تتهاون الممثلة نادين نسيب نجيم مع من ساهم بنشر أخبار تقول إنّها لا تعتبر الممثلة كاريس بشّار من “ممثلي الصف الأوّل”، وغرّدت بطريقة قوية عبر حسابها الرسمي على موقع “انستغرام” معلنةً أنّها سترفع دعوى قضائية بحقّ من ينشر الأخبار الكاذبة عنها.

وقالت، “يا عيب الشوم! لهون وصل فيكم الحقد والكره أنكم تنشروا عن لساني تصريحات انا مني قايلتها! وأصلاً منه أسلوبي! انا رح ارفع دعوى لانه للصبر حدود! عم تكذبوا عن لساني و بكل ثقة كمان!!! و ناشرين هل كلام على كل الصفحات وبكل ثقة! وين التصريح، وين نقال هل حكي يا كذابين! على شو كل هل الشي، لانه عم بشتغل ولانه السوريين بحبوني وبحبهم؟”.

وتابعت، “بعد في شي حدا ما راشقني بحجارة؟ بعد في شي حدا ما كذب عن لساني؟ شو عم بصير شو هل الشر كله حواليي عنجد كتير مصدومة!”، وأضافت، “كاريس بشار وجميع زملائي النجوم بحترمهم وما بحكي عن حدا ولا بعطي رأيي بحدا! ويلي عم يقول انا قلت هيك يتفضل يفرجينا التصريح او يسكت للأبد ويعتذر!  بلا أخلاق و بلا ضمير”.