كتب شربل خميس في “المسيرة” – العدد 1706
كنت قد كتبتُ هذا النصّ على صفحة الفايسبوك خاصّتي، يوم إنتقال البطريرك الى الآب في العام الماضي:
لمّا بتوصَل «لهَونيك» رح يكونوا ال٧٥ بطرك لْ سبقوك ناطرينك.
قلّو لْ يوحنا مارون إنّو الكنيسة لْ عمَّرا عصخور لبنان بعدا صامدة.
خبِّر دانيال الحدشيتي وجبرايل حجولا إنّو الغَريب لْ قَتَلُن فَلّ، ونحنا بعدنا هون و جْراسنا ما سَكتِت.
وخلّي إسطفان الدويهي يشوف غَبرة قنوبين عَ تيابك، و قلّو إنو صرنا عَ وِسْع الدني.
خبّر الياس الحويك عن لبنان يلّي حمِلْت هَمّو عَ كْتافك تَ يبقى كبير
وقول لأنطون عَريضة انّو انت كمان بطرك الاستقلال
قِلُّن انّو متل ما كفرحَي كانت الاساس، و يانوح كانت العاصية و إيليج كانت الشهادة، وقنوبين كانت الملجأ والصمود،
بكركي مَعَك كانت الارزة لْ ما انكسرت بوجّ العاصفة وكانت الشمعة لْ ما انطفِت بِبحر العتم، وكانت الصوت لْ ما سَكَت وَقت الخُضوع.
لمّا بتوصَل «لهَونيك» و يْكون شَعبنا كِلّو ناطرك، رَح يقشَعوا بعيونك تاريخنا العظيم، تاريخنا لْ مليان تَعَب وقَهِر وشهادة وعِلْم وقداسة وصَلا
لمّا بتوصَل «لهَونيك» وتقعد عن يَمينو بالمطرح المُعَدّ إِلَك، خلّي عينك علينا.
للإشتراك في “المسيرة” Online:
http://www.almassira.com/subscription/signup/index
from Australia: 0415311113 or: [email protected]