ايلول يا شَهر الكرامِة والوَفى
يا معَمَّد بعطر البطولة والنضال
ب لبنانّنا المجروح يَلّي ما إكتفى
يُشرَب دِما من عروق هالأبطال
والجرح عَم بينِزّ بَعدو ما إنشفى
والحِمل بَعدا بتِعجَز تشيلو الجبال
وهَالعام بِ بيروت إبليس إشتَفى
شال البشَر والحَجَر وتقَطّعِوا الوصال
وإيد الغَدر دَم الشهادِة بيفضَحَى
سلاح المَوت، سُلطِة أذى وإذلال
واليَوم صار الوَقت تَ نصرخ كَفَى
ب وِجّ إلّي بايِع كِلمتو للإحتِلال
ونِمشي عَ دَرب الحَق حَتّى لَو حَفَى
ولَو قَد ما تِقلِت عَ كتافنا الأحمال
ونرِد لَلّي إستشهدوا نِتفِة وَفى
ونقِلّهم حُرّاس نِحنا #باقيين
لَ تخلَص الدِني… لَ مدى الأجيال