بيروت يا سِتّ الدِني

 

بيروت…
بيروت يا سِتّ الدِني بيروت
شو إلّي جَرى شو غَيّر حوالِك

مين إلّي بَدّو يسرق الياقوت
ويقَطّش الفَيروز عَن شالِك

شو هَالشيطان المُجرِم المَمقوت
الجايي لَ حَتّى ينَوّخ جمالِك

مَرّة ب لغم نترات مَرّة زيوت
ضَلّوا لَ حَتّى قَطّعوا وصالِك

ليش البَشَر بِالصَمت أو السكوت
عَم يِسمَحوا إيد الأذى تنالِك

قوموا بَقَى زِيحوا غَطا التابوت
شِقّوا ضَمير الفَجر بِ لَيلنا الحالِك

وقولوا لَكِلّ الدِني بيروت ما بِتموت
وقولوا لَ سِتّ الدِني قومي إجو رجالِك.

المصدر:
فريق موقع القوات اللبنانية

خبر عاجل