دياب للبنانيين: “انتبهوا على حالكم حتى تحموا أهلكم”

أكد رئيس حكومة تصريف الأعمال حسان دياب أنه غداً سيبدأ الإقفال في البلد حتى نتفادى الانهيار الصحي بمُجتمعنا ونحمي أنفسنا وأهلنا. وقال في كلمة له عشية الإقفال العام، “الإقفال بحد ذاتو مش حلّ.. الإقفال هو فرصة حتى نرفع من جهوزية البلد الصحية بعد ما ارتفع عدد الإصابات بشكل كبير خلال الأسابيع الماضية”.

وسأل، “مين ما بلّش يشعر أنو هيدا الوباء صار أريب منو؟ الأغلبية انتصروا عليه، بس مروا بمعاناة صعبة”. وأضاف، لا أحد يستطيع تخيل النتيجة وردة الفعل إذا كان المصاب الأب أو الأم أو أي فرد من العيلة. وتابع، “الإحساس بأننا نخسر شخص قريب منّا ولسنا قادرين على وداعه، يترك فينا جرح عميق، وحزن كبير”.

وقال، “كتار من الناس انتقدوا قرار الإقفال. وأكيد بتفهّم رأيهم ومعاناتهم الإقتصادية. عم بسمع ردود الفعل من عدة مصادر. ووضع لبنان متل كل دول العالم، المُفاضلة عم تكون بين الاقتصاد وبين صحتنا وحياتنا”.

وأكد أنه “يختار الحياة والصحة أولوية على الاقتصاد، وأكد أنه أيضاً خيار المواطنين لأن شو إلو معنى الاقتصاد من دون حياتنا؟”. ورأى أننا “نحن عم نعمل كل جَهدنا حتى نحصل على اللُقاحات يلي بتحمينا من هالوباء بأسرع وقت ممكن”.

وشدد على أنه صحيح أنو هالوباء بعدو أقوى من قدرة الدول على مواجهتو، لكن الحماية منو مش صعبة أبداً. وقال، “مش مطلوب أكتر من الحماية الذاتية: نحط كمامة ونغسل إيدينا دايماً، ونعقّم الإشيا يلي منستخدمها. فينا نعمل هيك؟ فينا نوفّر على حالنا وعلى أهلنا ها المعاناة؟ أكيد فينا.. اللبنانيين شعب عنيد وقادر يواجه ويتحدّى. هيدا الوباء مش أقوى من يلي مرّ علينا. كل الإجراءات يلي بتاخدها الدولة ما رح تنفع إذا اللبنانيين ما التزموا بوضع الكمامة والتعقيم والتباعد الإجتماعي.  صعبة؟ أكيد لأ… أنا واثق أنو إذا التزمنا رح نرجع نكون من أوائل الدول يلي بتنتصر على وباء كورونا، متل ما كنّا بالموجة الأولى”.

وناشد كافة اللبنانيين وقال، “انتبهوا على حالكم حتى تحموا أهلكم… وحتى نرجع لحياتنا الطبيعية. الله يحميكم”.