انتقدت الممثلة عايدة صبرا على طريقتها المشهد الدرامي في رمضان 2021 من دون أن تصوّب مباشرة على الممثلين والأعمال، وذلك عبر غمزها من قناة مسلسل “قيد المجهول” الذي حقق نجاحاً كبيراً بعد عرضه عبر مصنّة “شاهد”. وقالت عبر “تويتر”، “لهواة الدراما، احضروا مسلسل (قيد مجهول) على يوتيوب، وانتبهوا على النص المحبوك بمتانة بعيداً كل البعد عن مواضيع، حبها وحبّتني، وهالمواضيع السخيفة. شوفوا الإخراج الإبداعي. أما التمثيل متقن بحرفية عالية تحديدا الرائع عبد المنعم عمايري وباسل خياط”.
وتابعت، “وشوفوا شو يعني تركيب شخصيات بكل إنفعالاتها وحركتها الجسمانية بعيدا عن التسطيح والمكرر لدى ممثلين عنا. وللحديث تتمّة”. “لطشة” صبرا لم تمرّ مرور الكرام، إذ دخل الممثل يوسف الخال على الخطّ، وقال، “يا عايدة، طفح كيل الصمت، ما شفنا حدا طلع من تحت إيدين اللي متلك عم يحكي وصار حدا سامع فيه غير انو بيطلع مليان حقد وعقد، المشكلة بابتكار نص فيه شخصيات مش بحرفية الممثل اللبناني. الإنسان اللي بيخلق فنان بيختار فنه وبيتألق فيه. إذا هيك عم تعَلّموا، ما رح تعَلّموا محل”، متسائلا: “كم غلطة بعد عندك؟”.
هذا الردّ، استدعى رداً آخر من صبرا، فغرّدت تعليقاً على كلام الخال، “عزيزي يوسف، تلاميذي اللي بفتخر فيهن كتير، عم يتألقوا بأدوار زغيرة وكبيرة وبعضن آخدين جوائز. وهني ولا مرة عبروا بحقد او تناولوا حدا؛ إن بعض الظن إثم. يبدو إنك ما بتعرفن الأفضل تسأل عنن. والنقد واجب عالكل”..
وأكّدت صبرا في معرض التعليقات أنّه “بعد 35 سنة في مجال التمثيل والإخراج والتعليم والتدريب والكتابة، يحقّ لها الانتقاد”، فيما انقسم المغرّدون بين مؤيّد لما تقوله، ورافض له، خصوصاً أنّ الإشكال الأخير مع الممثلة كارين رزق الله قد أحدث جدلاً واسعاً عبر “تويتر”.
لهواة الدراما
إحضروا مسلسل #قيد_مجهول على يوتيوب وانتبهوا على النص المحبوك بمتانة بعيداً كل البعد عن مواضيع"حبها وحبّتني"وهالمواضيع السخيفة. شوفوا الإخراج الإبداعي. أما التمثيل متقن بحرفية عالية تحديدا الرائع عبد المنعم عمايري وباسل خياط#عبد_المنعم_عمايري #باسل_خياط— Aida Sabra (@AidaaaTheBest) April 16, 2021
يا عايدة،طفح كيل الصمت،ما شفنا حدا طلع من تحت إيدين اللي متلك عم يحكي و صار حدا سامع فيه غير انو بيطلع مليان حقد و عقد،المشكلة بابتكار نص فيه شخصيات مش بحرفية الممثل اللبناني.الإنسان اللي بيخلق فنان بيختار فنه و بيتألق فيه.إذا هيك عم تعَلّموا،ما رح تعَلّموا محل.كم غلطة بعد عندك؟ https://t.co/4kzDYjFQbo
— Youssef Al Khal (@youssefalkhal) April 16, 2021
عزيزي يوسف، تلاميذي اللي بفتخر فيهن كتير، عم يتألقوا بأدوار زغيرة وكبيرة وبعضن آخدين جوائز. وهني ولا مرة عبروا بحقد او تناولوا حدا؛ إن بعض الظن إثم. يبدو إنك ما بتعرفن الأفضل تسأل عنن. والنقد واجب عالكل.
— Aida Sabra (@AidaaaTheBest) April 16, 2021