أيلول شهر الوفا

 

أيلول يا شهر الكرامة والوفا

يا معَمّد بعطر البطولِة والنِضال

ب لبنانّنا المَجروح يَلّي ما اكتَفى

يُشرَب دِما من عروق هالأبطال

والجرح عَم بينِزّ بَعدو ما انشَفى

والحِمل بَعدا بتِعجَز تشيلو الجبال

ببيروت وبعَكّار إبليس اشتَفَى

شال البَشَر والحَجَر وتقَطّعوا الوصال

وإيد الغَدر دَم الشهادِة بيفضَحى

سلاح المَوت سُلطِة أذى وإذلال

واليوم صار الوَقت تَ نصرخ كَفى

ب وِجّ إلّي بايِع كلمتو للاحتلال

ونِمشي عَ دَرب الحَقّ لَو حَتّى حفى

ولَو قَدّ ما تِقلِت على كتافنا الحمال

ونرِدّ لِلّي استَشهدوا نِتفِة وفا

ونقلّهن عَالعَهد نِحنا باقيين

لَ يِسكَروا التَلجات عَ صَنّين

لَ تخلَص الدِني… لَمدى الأجيال

المصدر:
فريق موقع القوات اللبنانية

خبر عاجل